Փաստ ինֆո

ՀՀ քրեական օրենսգրքի 38-178-րդ հոդվածի 3-րդ մասի 1-ին կետով մեղադրվող Կարեն Եդիգարյանն արդարացվել է: Այդ մասին իր ֆեյսբուքյան էջում գրառում է կատարել Եդիգարյանի պաշտպան Գերոգի Մելիքյանը:

Գրառման մեջ մասնավորապես ասվում է.

«Այսօր Երևան քաղաքի դատարանի դատավոր Ա.Մկրտչյանը արդարացրեց ՀՀ քր օր 38-178 հոդ. 3 մասի 1 կետով մեղադրվող Կարեն Եդիգարյանին և մեղավոր ճանաչեց միայն 216 հոդ. 2 մասով։ Վերջապես արդարացի դատավճիռ մի դատավորից ումից նման բան չէի սպասում» գրառել է փաստաբանը։

Ըստ մեղադրանքի՝ Կարեն Եդիգարյանը հանդիսանալով առևտրային կազմակերպության ծառայող` «ԲՏԱ Բանկ» ՓԲԸ-ի «Զեյթուն» մասնաճյուղի ոսկերիչ-գնահատող, 2014թ. մայիս-հունիս ամիսներին թվով 30 վարկային պայմանագրերով ոսկյա զարդերի փոխարեն, որպես գրավ, ընդունել է ինչպես պողպատից պատրաստված և ոսկու բարակ շերտով պատված, այնպես էլ պղնձի համաձուլվածքից պատրաստված և ոսկու արտաքին շերտ չպարունակող ընդհանուր 340.000 ՀՀ դրամ արժողությամբ զարդեր, գիտակցելով, որ դրանք իրականում պատրաստված չեն ոսկուց և նախնական համաձայնության գալով Տիգրան Մուշեղյանի, Սերվենիկ Գրիգորյանի և Արթուր Գրիգորյանի հետ խաբեության եղանակով հափշտակել է «ԲՏԱ բանկ» ՓԲԸ-ին պատկանող առանձնապես խոշոր չափերով գույքի` 48.051.000 ՀՀ դրամ:

Աղբյուր` Փաստինֆո