Փաստ ինֆո

Քննչական կոմիտեն քրեական գործ է հարուցել ուկրաինացի պրանկերի դեմ, ով ստահոդ տեղեկատվություն էր տարածում «Զիմնյայա վիշնյա» առևտրի կենտրոնում հրդեհի զոհերի թվի մասին, ըստ ՌԻԱ Նովոստիի, ասվում է գերատեսչության Telegram-ալիքում:

Գործը հարուցվել է Ատելություն ու թշնամանք բորբոքելու հոդվածով:

Քննության տվյալներով, Նիկիտա Կուվիկովն, ով Ցանցում հայտնի է որպես պրանկեր Եվգենի Վոլնով, «հրապարակավ տարածում էր ոչ հավաստի տեղեկություններ Կեմերովոյում հրդեհի զոհերի թվի մասին, մոլորության մեջ գցելով զոհերի ու տուժածների հարազատներին»:

Նշվում է, որ այդպիսով Կուվիկովը «փորձում էր ապակայունացնել իրավիճակը»: Քննությունը ծրագրում է հասնել պրանկերի հեռակա կալանավորմանն ու նրա նկատմամբ հետախուզում հայտարարելուն:

Նախօրեին Վոլնովի յութուբ-ալիքում հայտնվել է մարտի 25-ի ձայնագրությունը, որում նա զանգահարում է կեմերովյան դիահերձարաններ, ներկայանալով որպես ԱԻՆ աշխատակից և հետաքրքրվելով, թե որքան «ազատ տեղ» է մնացել հաստատություններում:

Այսպես, իմանալով, որ առաջին դիահերձարանում պատրաստ են ընդունել 100 զոհվածներից ոչ ավելի, նա հայտարարել է, որ շուտով նրանց մոտ կբերեն «300-ից ավելի դիակ»: Աշխատակիցները ցնցվել են ու պատասխանել, որ իրենց տվյալներով զոհերի թիվը կազմում է 60-70 մարդ:

Կեմերովոյում «Զիմնյայա վիշնյա» առևտրի կենտրոնի չորսհարկանի շենքում հրդեհը տեղի է ունեցել կիրակի օրը: Զոհվել է 64 մարդ, որոնց մեծամասնությունը երեխաներ են: Հրդեհի գործով արդեն մի քանի մարդ է ձերբակալվել:

Աղբյուր` Փաստինֆո