Փաստ ինֆո

Կեմերովոյի «Զիմնյայա վիշնյա» առեւտրաժամանցային կենտրոնում տեղի ունեցած հրդեհից զոհվել Է 41 երեխա: Այդ մասին, ինչպես հաղորդել Է «Ինտերֆաքս»-ը, վկայում են զոհվածների ցուցակները, որոնք փակցված են ողբերգության զոհերի ազգականների կողմից ստեղծված շտաբում, տեղեկացնում Է «Արմենպրես»-ը:

Ընդամենը ցուցակներում 64 զոհվածների ազգանուններն են, որոնցից 41-ն անչափահասներ են:

Զոհվածների ազգականների նախաձեռնող խմբի անդամները, որոնք այցելել են Կեմերովոյի դիարան, հաստատել են առեւտրի կենտրոնում բռնկած հրդեհից 64 մարդու զոհվելու վերաբերյալ պաշտոնական տվյալների հավաստիությունը:

37 մարդու ինքնություն պարզելու համրա կնշանակվի գենետիկական փորձաքննություն։

«Մենք ունենք 37 մարդու մարմին, որոնց գենետիկական փորձաքննություն պետք Է կատարել: Դա կտեւի մինչեւ երկու շաբաթ»,- ասել Է Բաստրիկինը հրդեհի հետեւանքների վերացմանը նվիրված խորհրդակցության ընթացքում, որը Կեմերովոյում անցկացրել Է ՌԴ-ի նախագահ Վլադիմիր Պուտինը: Մարտի 27-ի առավոտվա դրությամբ՝ Կեմերովոյի առեւտրական կենտրոնի հրդեհից հետո ճանաչվել են 64 զոհվածներից 25-ը, լրագրողներին հայտնել Է ՌԴ-ի առողջապահության նախարար Վերոնիկա Սկվորցովան:

«25 ճանաչված մարմիններից 13-ը երեխաներ են: Տարբեր հասակի՝ չորսից մինչեւ 12 – 13 տարեկան»,- ասել Է Սկվորցովան: Փրկարարները հայտնում են, որ պլանավորում են մարտի 27-ին ավարտել այրված շենքի մաքրումը, հաղորդել Է «Ինտերֆաքս» գործակալությունը:

Աղբյուր` Փաստինֆո