Փաստ ինֆո

Խոշորագույն սոցիալական ցանցի ղեկավար Մարկ Ցուկենբերգը խոստովանել է, որ «Ֆեյսբուք»-ի ղեկավարությունը մի քանի սխալներ է թույլ տվել, որոնք արդյունքում հանգեցրել են քաղտեխնոլոգների կողմից միլիոնավոր օգտատերերի անձնական տվյալների օգտագործմանը:

BBC-ի ռուսական ծառայությունը հաղորդում է, որ Cambridge Analytica ընկերությանը մեղադրում են ի շահ քաղաքական շրջանակներից իր կլիենտների, անհատական տեղեկատվության ոչ պատշաճ օգտագործման մեջ:

Ցուկենբերգը հայտարարություն է հրապարակել, խոստովանելով, որ խախտվել է սոցցանցի օգտատերերի վստահությունը:

Ավելի ուշ նա հարցազրույց է ունեցել CNN-ին, որի ընթացքում ափսոսանք է հայտնել կատարվածի կապակցությամբ ու խոստացել միջոցներ ձեռնարկել «խարդախ հավելվածների» դեմ: Նա նաև հավաստիացրել է, որ հոժարակամ ցուցմունքներ կտա Կոնգրեսում, «եթե հենց այդպես է անհրաժեշտ վարվել»:

Հրապարակված հայտարարության մեջ Facebook-ի ղեկավարը խոստացել է դժվարացնել կողմնակի հավելվածների հասանելիությունը օգտատերերի մասին ցանկացած տեղեկատվությանը:

«Մենք պատասխանատվություն ենք կրում ձեր տվյալների պաշտպանության համար, և եթե մենք չենք կարողանում դրանք պաշտպանել, ապա մենք արժանի չենք նրան, որ դուք օգտվեք մեր ծառայություններից»,- գրել է Ցուկենբերգը:

Խնդիրը լուծելու ու ապագայում այդ իրավիճակի կրկնությունից խուսափելու համար Մարկ Ցուկենբերգը խոստացել է հետևյալը.

ջանադրաբար ուսումնասիրել բոլոր հավելվածները, որոնք օգտատերերի մասին մեծ ծավալով անձնական ինֆորմացիային հասանելիություն են ունեցել մինչև այն ժամանակ, երբ 2014թ. Facebook-ը փոխել է օգտատիրական համաձայնության կանոնները, որպեսզի «էապես նվազեցնի տվյալներին հասանելիությունը»,

անցկացնել կասկած հարուցող բոլոր հավելվածների «կրիմինալիստական ամբողջական աուդիտ»,

լրիվ շրջափակել մշակողներին, ովքեր կհրաժարվեն այդպիսի մանրամասն աուդիտից,

շրջափակել ցանկացած հավելվածները, որոնք ոչ պատշաճ են օգտագործում օգտատերերի անձնական տեղեկատվությունը, ինչպես նաև «տեղեկացնել բոլորին, ովքեր կարող էին տուժել այդ հավելվածների գործողություններից»:

Աղբյուր` Փաստինֆո