Փաստ ինֆո

Դանիացի գյուտարար Պետեր Մադսենը խոցել է մահացած շվեդացի լրագրողուհի Կիմ Վալլի մարմինը՝ մինչև այն մասնատելն ու ծովը գցելը: Այդ մասին հաղորդում է The Telegraph-ը:

Հիշեցնենք, որ շվեդացի լրագրողուհի Կիմ Վալլը գտնվել է Մադսենի հետ «Նաուտիլիուս» ստորջրյա նավում օգոստոսի 10-ին, իսկ 11 օր անց նրա գլխատված մարմինը հայտնաբերել էին Դանիայի տերիտորիալ ջրերում: Ավելի ուշ զոհվածի մարմնի մասերը, գլուխը և հագուստը գտել էին պլաստիկ փաթեթների մեջ: Ընդ որում կնոջը սպանելու ու մասնատելու մեջ մեղադրվող Մադսենը պնդում էր, որ նա մահացել է դժբախտ պատահարի հետևանքով:

Մարտի 20-ից Կոպենհագենում ընթացող գործի լսումների ժամանակ Մադսենը պատմել է, որ լրագրողուհին թունավորվել է արտանետված գազերից՝ ստորջրյա նավում անսարքության պատճառով: Գյուտարարն ինքը դրանց ազդեցության տակ փսիխոտիկ վիճակում է հայտնվել, որից հետո որոշել է ազատվել մարմնից:

«Ես տարբեր մասերում մի քանի խոցումներ եմ արել, որովհետև չէի ուզում, որ այնտեղ գազեր հավաքվեն: Ոչ մի սեքսուալ բան հեշտոցի անցքերում չի եղել: Ես հասկանում եմ, թե ինչու եք դուք այդպես համարում, սակայն իմ կողմից չի եղել որևէ սեքսուալ ենթատեքստ»,- ասել է տղամարդը դատարանում:

Մադսենը նաև հայտարարել է, որ լրագրողուհու գլուխը կտրելուն իրեն ոգեշնչել է «Յոթ» քրեական կինոնկարը: Ըստ դանիացու, կինանկարում կա տեսարան կտրած վերջույթով, այդ պատճառով ոչ մի սարսափելի բան իր արարքում չկա:

Բացի այդ, տղամարդը խոստովանել է, թե որքան ահավոր է եղել իր համար մասնատել դիակը և հայտնել է ցանկության մասին ավելի արագ ջնջել այդ դեպքն իր հիշողությունից:

Դատախազները բնութագրել են Մադսենին որպես պսիխոպաթ՝ ագրեսիվ սեքսուալ հակումներով: Նրանք նաև հայտնել են, որ նրա համակարգչում գտել են կանանց գլխատելով տեսագրություն:

Աղբյուր` Փաստինֆո