Փաստ ինֆո

Իրկուտսկում տղամարդը սպանել է իր 21-ամյա կնոջն ու մեկուկես տարեկան երեխային: Ըստ life.ru-ի, այդ մասին հայտնել են Ռուսաստանի քննչական կոմիտեում:

Քննության տվյալներով, մարտի 13-ին տեղացի բնակչուհին հայտնել է ոստիկանությանը, որ իր բնակարանում կան կնոջ ու երեխայի դիակներ:

«Պատահարի վայր անհապաղ ուղարկվել էր քննչական-օպերատիվ խումբը, որը նշված հասցեում հայտնաբերել էր 21-ամյա կնոջ ու մեկուկես տարեկան երեխայի մարմինները՝ դանակի բազմաթիվ վնասվածքներով: Կարճ ժամանակահատվածում պարզվել էր կասկածյալի գտնվելու վայրը: Տղամարդը ձերբակալվել էր Իրկուտսկի շրջանի այգեգործական ընկերություններից մեկում», - հաղորդել են ՔԿ-ում:

Հարցաքննության ժամանակ 26-ամյա չարագործը խոստովանել է, որ կնոջը կասկածել է դավաճանության մեջ, որից հետո վերցրել է դանակն ու հարձակվել երեխայի ու նրա մոր վրա: Մոտ մեկ օր տղամարդը թաքնվում էր իրավապահներից: Նա պատրաստվում էր հեռանալ Ռուսաստանի տարածքից ու մեկնել հայրենիք՝ հարևան հանրապետություններից մեկը:

Տղամարդուն արդեն տվյալ հանցագործությունը կատարելու մեղադրանք է առաջադրվել, խափանման միջոց է ընտրվել կալանավորումը:

Երկու մարդու, այդ թվում՝ մանկահասակ երեխայի, սպանության համար չարագործին սպառնում է ցմահ ազատազրկում:

Աղբյուր` Փաստինֆո