Փաստ ինֆո

Հայաստանի Սահմանադրական դատարանի նախկին նախագահ Գագիկ Հարությունյանը նկատում է, որ ՍԴ նախագահի պաշտոնում իր գործունեության տարիներին դատարանը կայացրել է որոշումներ, որոնք ճիշտ չեն ընկալվել:

Հայաստանի գիտությունների ազգային ակադեմիայում լրագրողների հետ զրույցում, անդրադառնալով հարցին` եղե՞լ են Սահմանադրական դատարանի որոշումներ, որոնց համար հիմա ափսոսում է, Գագիկ Հարությունյանն ասաց, որ միշտ բավականին ծանր է տարել, երբ, համոզված լինելով, որ իրականում այլ որոշում կայացնել հնարավոր չէր, սակայն կայացված որոշումն էլ ճիշտ չի ընկալվել:

«Լինում էին դեպքեր, երբ որոշ մարդիկ ասում էին Սահմանադրական դատարանի որոշումները բարդ են: Ես էլ ասում էի բացեք աստղագիտության դասագիրք կարդացեք, տեսեք անմիջապես կհասկանա՞ք: Սա նույնպես գիտություն է, ուղղակի իր կանոններն ունի»,- «Արմենպրես»-ի հաղորդմամբ` ասաց Հարությունյանը:

Նա հավելեց, որ եղել են որոշումներ, որոնք ընդունվել են շատ մեծ տանջանքով, սակայն հետո սպասելիքները բավարարվել են: «Ժամանակին մենք կալանավայրից դիմում էինք ստացել դատական իշխանության կառուցակարգերի վերաբերյալ դիմում, ինչի արդյունքում մի ամբողջ համակարգ ճանաչեցինք հակասահմանադրական: Խնդիրը նույնիսկ հասավ այնտեղ, որ երկրի ազգային անվտանգության խորհրդում այդ հարցը քննարկման առարկա դարձավ, և պարզվեց, որ մենք ճիշտ էինք»,- պատմեց Գագիկ Հարությունյանը:

Գագիկ Հարությունյանը Սահմանադրական դատարանի նախագահի պաշտոնը զբաղեցրել է 1996թ. փետրվարի 6-ից:

Հայաստանի Ազգային ժողովի կողմից Գագիկ Հարությունյանն ընտրվեց նորաստեղծ Բարձրագույն դատական խորհրդի անդամ, իսկ 2018թ. մարտի 5-ինձևավորված Բարձրագույն դատական խորհրդի անդամների կողմից ընտրվել է խորհրդինախագահ:

Մարտի 12-ին Ազգային ժողովի նախագահ Արա Բաբլոյանը ստորագրել է արձանագրություն, որով դադարեցվել են Գագիկ Հարությունյանի լիազորությունները  Սահմանադրական դատարանի նախագահի պաշտոնում: 

Սահմանադրական դատարանինախագահի պաշտոնում առաջադրվել է ՍԴԴ նորընտիր անդամ Հրայր Թովմասյանիթեկնածությունը:  

Աղբյուր` Փաստինֆո