Փաստ ինֆո

ՉԺՀ-ի Ժողովրդական ներկայացուցիչների համաչինական ժողովի (խորհրդարան) պատգամավորները քվեարկել են հօգուտ սահմանադրական փոփոխությունների, որով վերանայվել է երկրի նախագահի եւ փոխնախագահի երկու անգամից ավել ընտրվելու սահմանափակումը։

Սահմանադրության համապատասխան հոդվածում ներկայումս նշվում է. «ՉԺՀ նախագահի եւ փոխնախագահի՝ պաշտոնավարման ժամանակահատվածը չի կարող գերազանցել երկու ժամկետն անընդմեջ»։ Փոփոխությունը նախատեսում է Սահմանադրությունից հանել երկու ժամկետի վերաբերյալ ձեւակերպումը։  

Այդպիսով՝ ՉԺՀ-ի նախագահը կարող է ընտրվել առանց որեւէ սահմանափակման յուրաքանչյուր 5 տարին մեկ։

Բացի այդ՝ պատգամավորները քվեարկել են ներկայիս առաջնորդի անունը Սահմանադրության մեջ ամրագրելու օգտին։ Այս փոփոխության համաձայն՝ նախաբանի մեջ, որտեղ արդեն հիշատակվում են Մաո Ցզեդուանի եւ Դեն Սյաոպինայի անուններն ու գաղափարները, կավելանա հետեւյալ ձեւակերպումը. «Սի Ծինփինի՝ սոցիալիզմի մասին  չինական առանձնահատկությունների վերաբերյալ գաղափարների ղեկավարությամբ նոր դարաշրջան »։

 Ժողովրդական ներկայացուցիչների համաչինական ժողովի պատգամավորները, որի նստաշրջանը տեղի է ունենում մարտի 5-20-ը, քվեարկել են ընդհանուր առմամբ Սահմանադրության ավելի 20 հոդվածներում փոփոխություններ կատարելու օգտին։

Աղբյուր` Փաստինֆո