Փաստ ինֆո

Ռուսաստանցիները ընդհանուր առմամբ հանդես են գալիս ընտանիքում իրավահավասարության օգտին (82%), ընդ որում, 72% ամուսնացածներ /համատեղ բնակվողներ/ իրար հետ հանդիպողներ հայտարարում են, որ պրակտիկայում բոլոր որոշումները համատեղ են կայացնում (2009 թ.-ի 34%-ի դիմաց), ըստ Ինտերֆաքսի, հաղորդում է Հասարակական կարծիքի ուսումնասիրության համառուսաստանյան կենտրոնը:

Նրանք, ովքեր զույգից մեկին դնում են անկյան գլխին, ավելի հաճախ որպես ընտանիքի գլուխ ընդունում են տղամարդուն (16%-ն ասում է, որ այդպես պետք է լինի, 21% -ը՝ որ իրենց հարաբերություններում այդպես էլ տեղի է ունենում): Նրանք, ովքեր համարում են, որ ընտանիքի գլխին պետք է կանգնած լինի կինը, միայն 1% են կազմում, սակայն պարզվել է, որ պրակտիկայում հարաբերություններն այդպիսին են հարցվածների 6%-ի մոտ:

Նոմինալ հավասարություն ընտանեկան պարտականություններում հռչակվում է պրակտիկապես բոլոր ուղղություններով, ինչը շատ դեպքում իրագործվում է նաև պրակտիկայում: Ամենից առաջ ընտանեկան զույգերի անդամները ասում են ազատ ժամանակի համատեղ կազմակերպման (75%), մթերքի (67%) և ընկերների համար նվերների գնման (71%), ինչպես նաև երեխաների հետ պարապմունքների (59%) մասին և այլն:

Զուտ կանանց պարտականություններին ռուսաստանցիները դասում են միայն սպիտակեղենի լվացքը, տղամարդկանց պարտականություններին ՝ մանր վերանորոգումը: Ընդ որում, իրենց փորձի համաձայն, ընտանեկան զույգերի շրջանում լվացքով գերազանցապես զբաղվում են կանանց 72%-ը, վերանորոգմամբ՝ տղամարդկանց 67%-ը: Այդուհանդերձ, տնային գործերի մի մասը դեռևս բավականին ավանդական է բաշխվում՝ ոչ միայն լվացքը, այլև արդուկելը, պատրաստելն ու մաքրությունը ընկնում է կանանց ուսերին, խոստովանում են ընտանեկան զույգերը:

Ընտանիքի նյութական ապահովմամբ մեծամասնությունը (61%) զբաղվում է համատեղ, ինչպես նաև բյուջեն կառավարելով (59%), ցույց է տվել համառուսաստանյան հեռախոսային հարցումը, որն անց է կացվել 2000 հարցվածների շրջանում հունվարի 28-ից մինչև մարտի 1-ը:

Աղբյուր` Փաստինֆո