Փաստ ինֆո

Գրոհայինները խոստացել են Արևելյան Գուտայում բաց թողնել խաղաղ բնակիչներին՝ փոխանակելով նրանց մարդասիրական օգնության հետ, ըստ ՌԻԱ Նովոստիի, այդ մասին հաղորդել են թշնամանքի մեջ գտնվող կողմերի հաշտեցման հարցերով ռուսաստանյան կենտրոնում՝ հղելով սիրիական զինվորականներին:

«Կարմիր կիսալուսնի» մարդասիրական ուղեկցուրդը ծրագրում է մեկնել Դամասկոսի արվարձան արդեն այսօր, հաղորդում է ՌԻԱ Նովոստիի թղթակիցը:

45 բեռնատար օգնությամբ և շարժական հոսպիտալը շարվել են առավոտյան Մուխայյամ ալ-Վաֆեդինում անցակետի մոտ, որտեղ տանում է Արևելյան Գուտայից հումանիտար միջանցքը: Բեռը ներառում է սննդամթերք, դեղորայք և առաջին անհրաժեշտության ապրանքներ, ընդհանուր առմամբ այն կազմում է 247 տոննա:

Բեռի փոխանցումը տեղի կունենա Հաշտեցման հարցերով կենտրոնի աջակցությամբ, որը պատասխանատու է շարասյան անվտանգ երթևեկության համար:

Ռուսաստանյան լրատվամիջոցը նշում է, որ Արևելյան Գուտան մնում է Սիրիայում ահաբեկիչների վերջին պատվարներից մեկը, որը վերահսկում են «Ջեյշ ալ-Իսլամ», «Ահրար աշ-Շամ», «Ջեբհաթ ան-Նուսրա» խմբավորումները: Այդ շրջանից գրոհայինները պարբերաբար զանգվածային գնդակոծությունների են ենթարկում սիրիական մայրաքաղաքի ծայրամասերն ու կենտրոնը: Ամռանից Արևելյան Գուտայում գործում է դեէսկալացիայի գոտին: Իրավիճակն այնտեղ կտրուկ սրվել է վերջին շաբաթներին:

ՄԱԿ-ի ԱԽ-ն բանաձև է ընդունել, որով պահանջում է, որպեսզի բոլոր կողմերը դադարեցնեն ընդհարումները և ապահովեն Սիրիայի ամբողջ տարածքում հումանիտար դադարը առնվազն երեսուն օրով:

Փետրվարի 27-ից Արևելյան Գուտայում հայտարարվել է մարդասիրական դադարի մասին: Այն գործում է ամեն օր ժամը 9:00-ից մինչև 14:00-ը: Սակայն ահաբեկիչները շարունակում են պահել տեղացի բնակիչներին, հաշվահարդարի սպառնալիքով նրանց արգելելով հատել հումանիտար միջանցքը:

Աղբյուր` Փաստինֆո