Փաստ ինֆո

Պաշտոնեական դիրքն օգտագործելով՝ առանձնապես խաշոր չափերով կաշառք ստանալու վերաբերյալ ավագ դատախազ Խաչատուր Բաղդասարյանի դեմ գործով այսօրվա դատական նիստում գործով  մեղադրողին բացարկի, պաշտպանին գործի վարույթից հեռացնելու ու դատարանին ինքնաբացարկի միջնորդություններ չներկայացվեցին:

Մինչ դատաքննությունը սկսելն ամբաստանյալի պաշտպան Կարեն Հակոբյանը խնդրեց դատական նիստը հետաձգել. ամբաստանյալը ցանկանում է երկրորդ պաշտպան ներգրավել, ու կա երկրորդ պաշտպանի հետ պաշտպանական մարտավարություն մշակելու անհրաժեշտություն: Բացի այդ, պաշտպանը հայտնեց, որ ինքը մի քանի հարցումներ է ուղղել, իսկ պատասխանները դեռևս չի ստացել:

Գործով մեղադրող Դոլմազյանը նշեց, որ եթե հարցումների պատասխաններին են վերաբերվելու պաշտպանի ապագա միջնորդությունները, ապա ինքը չի առարկում նիստը հետաձգելու դեմ:

Դատարանը որոշեց բավարարել պաշտպանական կողմի միջնորդությունը, հետաձգեց դատական նիստը՝ նշելով, որ հակառակ դեպքում կխաթարվի պաշտպանական իրավունքը:

Հիշեցնենք, որ ըստ մեղադրանքի, Խաչատուր Բաղդասարյանը՝ աշխատելով Երևանի Արաբկիր և Քանաքեռ-Զեյթուն վարչական շրջանների դատախազության ավագ դատախազ, միջնորդի միջոցով, իր պաշտոնեական դիրքն օգտագործելով, ստացել է առանձնապես խաշոր չափերով՝ 9 հազար դոլար կաշառք: Նրան մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասին 2-րդ կետով:

Աղբյուր` Փաստինֆո