Փաստ ինֆո

12-ամյա Անաստասիա Կ.-ին Ուկրաինայի Խմելնիցկու մարզից գտել են մահացած սեփական սրահում: Ինչպես հաղորդում է Daily Mail-ը, աղջիկը ինքնասպան է եղել տեղական «մահվան խմբի» կուրատորի հրամանով: Մահից առաջ աղջիկը նայել է ինքնասպանության տեսահրահանգը, որը գտել է Ցանցում:

Ուկրաինայից 12-ամյա աշակերտուհին ինքնասպան է եղել՝ մասնակցելով «Կապույտ կետ» մահացու խաղին: Աղջկա մարմինը նրա տատիկն ու պապիկը գտել են սրահում: Նաստյայի մայրն այդ ժամանակ գտնվում էր Լեհաստանում, որտեղ գումար էր վաստակում Նաստյայի հեղինակություն վայելող դպրոցի համար:

Ոստիկանության մամուլի քարտուղար Իննա Գլեգան պատմել է տեղական ԶԼՄ-ներին, որ մահից մեկ ժամ առաջ աշակերտուհին Ցանցում նայել է ինքնասպաններին ուսուցանող տեսագրությունը: Նա նաև հիշատակել է, որ աղջիկը «Կապույտ կետ» կոչվող «մահվան խմբում» էր: Այդ խմբի մասնակիցները հիսուն օրվա ընթացքում կատարում են կուրատորների առաջադրանքները: Որպես վերջին առաջադրանք հրահանգողները հրամայում են անչափահասներին ինքնասպան լինել:

Ուսուցիչներն ու հարազատները Անաստասիային նկարագրում են որպես վառ ու խելացի աղջկա, ով գերազանց էր սովորում և միշտ լավ տրամադրություն ուներ: Աշակերտուհին միանգամից մի քանի լեզու էր ուսումնասիրում, երազում էր թարգմանչուհի դառնալ և մեկ ամիս անց պատրաստվում էր մեկնել Լեհաստան՝ մոր մոտ:

Հայտնի չէ, թե ի՛նչն է դրդել երեխային մասնակցել «մահվան խմբին» և հետագա ինքնասպանությանը: Նրա ընկերները պատմում են, որ ինքնասպանության նախօրեին Նաստյան իրենցից ճշտում էր տնային առաջադրանքը և անհանգստության որևէ նշան չէր դրսևորում: Ներկա պահին ոստիկանությունը հետաքննություն է սկսել աշակերտուհու մահվան փաստով:

Աղբյուր` Փաստինֆո