Փաստ ինֆո

Հայաստանի խորհրդարանը քննարկում է Սահմանադրական դատարանի անդաﬕ ընտրության հարցը:

Սահմանադրական դատարանի անդաﬕ թեկնածու Հրայր Թովմասյանին պատգամավորներին ներկայացրեց ՀՀ Ազգային ժողովի նախագահ Արա Բաբլոյանը:

«Հրայր Թովմասյանին բոլորդ լավ եք ճանաչում: Նա բոլոր պատասխանատու պաշտոններում՝ արդարադատության նախարար, Ազգային ժողովի աշխատակազﬕ ղեկավար, Ազգային ժողովի պետական-իրավական և մարդու իրավունքների պաշտպանության հարցերի մշտական հանձնաժողովի նախագահ, դրսևորել է իրեն որպես գիտնական-իրավաբան, կազմակերպիչ, լավագույն հատկանիշներով մարդ: Ցանկանում եմ հատուկ նշել նրա նպատակասլացությունը և հետևողականությունը»,- ընդգծեց ԱԺ նախագահը:

Նա հիշեցրեց, որ Հրայր Թովմասյանը լուրջ ներդրում է ունեցել սահմանադրական բարեփոխուﬓերի հարցում: «Կարծում եմ, որ այս աﬔնը վկայում է այն մասին, որ Հրայր Թովմասյանը իր գործունեությամբ վաստակել է Սահմանադրական դատարանի անդամ ընտրվելու իրավունքը»,- հայտարարեց Արա Բաբլոյանը՝ խոսքը փոխանցելով ՍԴ անդաﬕ թեկնածուին:

Հրայր Թովմասյանը իր ելույթում նշեց, որ 22 տարի առաջ, երբ առաջին անգամ ոտք դրեց Սահմանադրական դատարան ﬕայն վառ երևակայության տեր մարդը կամ պայծառատեսը կարող էր մտածել, որ 22 տարի հետո կարող եմ հավակնել դառնալ Սահմանադրական դատարանի անդամ:

«Ես վստահ եմ, որ Ազգային ժողովը շարունակելու է լինել ﬔր պետության համար արդյունավետ լուծուﬓեր փնտրող և գտնող մարﬕն: Եթե ես ստանամ ձեր քվեն, ﬔնք ﬕասին առաջ ենք գնալու սահմանադրականության ապահովման ճանապարհով: «Շաբաթ-կիրակի օրերի, որոնք իմ քայլելու ,զբոսնելու օրերն են, քայլերն ինձ ակամայից բերում են Ազգային ժողով: Ես վստահ եմ, որ մոտակա ժամանակահատվածում եմ քայլերը շարունակելու են ինձ այս շենք բերել: Այս շենքը՝ անկախ աﬔն ինչից, ինձ համար շարունակելու է ﬓալ հարազատ ﬕ շենք»,- ասաց Թովմասյանը:

ՀՀ ԱԺ նախագահ Արա Բաբլոյանը կատակեց. «Աﬔն դեպքում, եթե նույնիսկ շաբաթ-կիրակի օրերին Ազգային ժողովը փակ լինի, բակում կարող եք զբոսնել»:

Աղբյուր` Փաստինֆո