Փաստ ինֆո

2017 թվականի տարվա լավագույն դատավորների անուններն արդեն հայտնի են. դատական իշխանությունն ընտրել է, թե ովքեր են քրեական, քաղաքացիական և վարչական գործեր քննող նախորդ տարվա լավագույն դատավորները:

Այսօր՝ ժամը 11:00-ին, մեկնարկել է դատավորների ընդհանուր ժողովը:

Ի պատասխան «Փաստինֆո»-ի թղթակցի հարցմանը՝ ՀՀ դատական դեպարտամենտի արարողակարգի և հասարակայնության հետ կապերի վարչության պետ Արման Խաչատրյանը հայտնեց՝ դատավորների ընդհանուր ժողովի օրակարգում ընդգրկվել են մի քանի հարցեր՝

• տարվա լավագույն դատավորների մրցանակների շնորհումը,
• Բարձրագույն դատական խորհրդի առաջին կազմի դատավոր անդամների ընտրության քվերակության կազմակերպման հարցերը,
• ՀՀ դատավորների ընդհանուր ժողովի որոշման նախագծի քվեարկումը և ընդունումը,
• ԲԴԽ-ի առաջին կազմի դատավոր անդամների ընտրությունը:
  
  
  Դատավորների ընդհանուր ժողովում ընդգրկված են եղել նաև այլ հարցեր:

Արման խաչատրյանի խոսքով՝ արդեն կայացել է տարվա լավագույն դատավորի ընտրությունը և մրցանակների հանձնումը: Քաղաքացիական գործերով տարվա լավագույն դատավոր են ճանաչվել Աննա Փիլոսյանը, Նորա Կարապետյանը, Արթուր Ստեփանյանը, Սերգեյ Սահակյանը և Էդգար Հովհաննիսյանը:

Քրեական գործերով տարվա լավագույն դատավորներ են ճանաչվել Ռոբերտ Պապոյանը, Դավիթ Սարգսյանը, Արսեն Սարդարյանը, Նապոլեոն Օհանյանը, իսկ վարչական դատարանի դատավորներից՝ դատավոր Մերի Համբարձումյանը:

Արման Խաչատրյանից նաև տեղեկացանք, որ այս պահին շարունակվում է Բարձրագույն դատական խորհրդի 5 անդամների ընտրությունը, սակայն այլ մանրամասներ կտեղեկացնենք ավելի ուշ:

Աղբյուր` Փաստինֆո