Փաստ ինֆո

Լոնդոնի «Արսենալի» հայ կիսապաշտպան Հենրիխ Մխիթարյանը «Մանչեսթեր Սիթիի» հետ խաղից առաջ աջակցել է թիմի գլխավոր մարզիչ Արսեն Վենգերին: Այս մասին գրում է armsport.am-ը:

«Հաճույք է նրա հետ աշխատելը, Վենգերը շատ բան գիտի ֆուտբոլի մասին: Մարզիչը կարող է քեզ լավ միտք տալ, օգնել խորհրդով, և շատ ուրախ եմ այստեղ լինելու համար: Իհարկե, այնքան էլ հեշտ ժամանակներ չեն Վենգերի համար, սակայն պետք է խաղանք ակումբի համար, պետք է խաղանք նրա համար, քանի որ նա է ստեղծել այս թիմը, Արսենը մեծ մարդ է ակումբի համար:

Պատրաստ ենք անելու առավելագույնը, որպեսզի ցույց տանք Վենգերին, որ պատրաստ ենք պայքարել նրա համար»,- Մխիթարյանի խոսքը մեջբերում է Sky Sports-ը:

«Արսենալ»-«Մանչեսթեր Սիթի» հանդիպումը կմեկնարկի Երևանի ժամանակով 23:45-ին:

Աղբյուր` Փաստինֆո