ԲՈԼՈՐ ՆՅՈՒԹԵՐԸ
Հոգեկան ուժեղ տառապանք պատճառելով` ստիպել է կնոջը ժավել խմել ու մեռնել. դատապարտվել է խոշտանգման հոդվածով 03/01/2018 13:09 | Քրեական խրոնիկոն
Արարատի և Վայոց Ձորի մարզերի ընդհանուր իրավասության դատարանը կայացրել է հերթական ընտանեկան բռնության գործով մեղադրական դատավճիռը:
Այսպես, 33-ամյա Դավիթ Մանվելյանը մեղավոր է ճանաչվել ՀՀ քրեական օրենսգրքի 119-րդ հոդվածի 1-ին մասով՝ խոշտանգումը, և դատապարտվել 2 տարվա ազատազրկման: Միաժամանակ տվյալ գործով նշանակված պատժին մասնակիորեն գումարվել է մեկ այլ գործով կայացված դատավճռով Դավիթ Մանվելյանի նկատմամբ նշանակված ազատազրկման ձևով 5 տարի 9 ամիս ժամկետով պատիժը և վերջնական պատիժ է նշանակվել ազատազրկում 6 տարի ժամկետով:
Դատավճռով իրեղեն ապացույց ճանաչված մեկ հատ ժավելի տարան պետք է հանձնվի տուժողի տնօրինությանը` դատավճիռն օրինական ուժի մեջ մտնելուց հետո:
Գործը հարուցվել է ոստիկանություն ներկայացված Մասիս քաղաքի բնակչուհու հաղորդման հիման վրա: Ըստ հաղորդման, 2017թվականի նոյեմբերի 8-ին ժամը 19:30-ի սահմաններում ամուսինը` Դավիթ Մանվելյանը, տուն է վերադարձել ալկոհոլի ազդեցության տակ, իրեն մտցրել է լոգարան, ստիպել է ժավել խմել:
Սկզնապես տուժող կնոջ հաղորդման շուրջ նախապատրաստված նյութերով ոստիկանության տարածքային բաժնի տեսուչն որոշում է կայացրել հանցակազմի բացակայության հիմքով Դավիթ Մանվելյանի նկատմամբ քրեական գործի հարուցումը մերժելու մասին:
Սակայն Արարատի մարզի դատախազի տեղակալը որոշում է կայացրել տեսուչի որոշումը վերացնելու և ՀՀ քրեական օրենսգրքի 119-րդ հոդվածի 1-ին մասով քրեական գործ հարուցելու մասին:
Ըստ առաջադրված մեղադրանքի, Դ.Մանվելյանը 2008 թվականից փաստական ամուսնական հարաբերությունների մեջ գտնվելով տուժողի հետ, 2016 թվականի դեկտեմբեր ամսից սկսած վերջինիս հետ գտնվելով անբարյացակամ հարաբերությունների մեջ, ալկոհոլի ազդեցության տակ պարբերաբար ծեծի է ենթարկել նրան՝ պատճառելով ուժեղ ֆիզիկական ցավ: Դա շարունակական բնույթ է կրել, և հերթական անգամ, 2017 թվականի նոյեմբերի 8-ին՝ ժամը 21-ի սահմաններում, ալկոհոլի ազդեցության տակ, հանրակացարանի իրենց բնակարանում իր 4 անչափահաս երեխաների ներկայությամբ անհիմն մոտ 1 ժամ վիճաբանել է կնոջ հետ, քաշքշել նրա հագուստներից, հայհոյանքներ է տվել նրա հասցեին: Վիճաբանությունից ազատվելու նպատակով կինը ցանկացել է դուրս գալ տանից, սակայն Դ. Մանվելյանը, կանգնելով տան մուտքի դռան դիմաց, արգելել է կնոջը դուրս գալ տանից ու շարունակել է հակաիրավական վարքագիծը՝ կնոջ ձեռքից և հագուստից քաշելով, վերջինիս տարել է լոգարան և մատնացույց անելով ժավելի տարան, ծաղրանքի ենթարկելով, պահանջել է ժավել խմել և մեռնել ու իր երկարատև գործողություններով դիտավորությամբ կնոջը պատճառել է հոգեկան ուժեղ տառապանքներ: Դրա հետևանքով տուժողը փորձել է ժավել խմել՝ հոգեկան ուժեղ տառապանքներից ազատվելու համար, սակայն ժավելի տարան դատարկ է եղել, ինչից Դ. Մանվելյանը շարունակել է զվարճանալ ու ծաղրել է կնոջն՝ առաջարկելով ջուր լցնել տարայի մեջ և խմել ժավելի մնացորդի հետ: Կինը հոգեկան ուժեղ տառապանքներից ազատվելու այլընտրանք չունենալով, զանգահարել է մորը և խնդրել, որպեսզի վերջինս ահազանգի ոստիկանություն:
Դատարանը հաստատված է համարել մեղադրանքում շարադրված հիշյալ փաստերը, ինչպես նաև այն, որ տուժողի մոր ոստիկանություն ահազանգելուց հետո դեպքի վայր ժամանած ոստիկանության աշխատակիցների միջամտության արդյունքում դադարել են կնոջ խոշտանգմանն ուղղված Դ.Մանվելյանի գործողությունները:
ՀՀ քրեական օրենսգրքի 119-րդ հոդվածի 1-ին մասով առաջադրված մեղադրանքում մեղադրյալ Դավիթ Մանվելյանն իրեն լիովին մեղավոր է ճանաչել և ցուցմունք տվել այն մասին, որ 2016 թվականի դեկտեմբեր ամսից սկսած հաճախ է վիճաբանել և ծեծի ենթարկել կնոջը, բայց վերջինս չի բողոքել, և ինքն ազատվել է պատասխանատվությունից: 2017 թվականի նոյեմբերի 8-ին՝ ժամը 21-ի սահմաններում ալկոհոլ օգտագործած վիճակում եկել է տուն և կնոջ ` հեռախոսով զանգելու հետ կապված երեխաների ներկայությամբ նորից վիճաբանել է կնոջ հետ, որի ժամանակ վերջինս հայտնվել է բորբոքված և հիստերիկ, հոգեպես անհավասարակշիռ վիճակում և հայտնել է, որ գնում է ժավել խմի: Նրան պատասխանել է, որ իր համար մեկ է, ինչ անի իրեն կանի: Դրանից հետո կինը վերցրել է ժավելի տարան, ցանկացել է խմել, սակայն տարան դատարկ է եղել: Այնուհետև իրենց տուն են եկել ոստիկանության աշխատակիցները և վիճաբանությունը դադարել է: Կատարածի համար զղջում է և եթե հարբած չլիներ` այդ քայլին չէր գնա, ասել է նա:
Դատարանը հանգել է համոզման, որ ապացուցված է ամբաստանյալ Դավիթ Մանվելյանի մեղավորությունը 2017թվականի նոյեմբերի 08-ին ժամը 21-ի սահմաններում կնոջ հետ վիճաբանելու, նրան հոգեկան ուժեղ տառապանք պատճառելով` ժավել խմելուն ստիպելու արարքի կատարման մեջ, այն համապատասխանում է ՀՀ քրեական օրենսգրքի 119-րդ հոդված 1-ին մասի հատկանիշներին, ինչի համար ենթակա է պատժի:
Հարակից հրապարակումներ`
Տեսանյութեր
01/14/2025 18:28
Ալիևի հարաբերությունները լարվում են և’ Իրանի, և’ Ռուսաստանի հետ
Տեսադարան
09/02/2024 10:55
Սեպտեմբերի 2-ը Արցախի Հանրապետության հռչակման օրն է
Մամուլ
- 01/18/2025 08:30 Ի՞նչ խորհուրդ են ստեղծում Արշակ Կարապետյանը, Միքայել արքեպիսկոպոս Աջապահյանն ու Ալբերտ Բազեյանը. «Փաստ»
- 01/18/2025 08:26 Ձվածեղ պատրաստող բռնապետը ստիպում է իրեն տեսնելիս ոտքի կանգնել. «Ժողովուրդ»
- 01/18/2025 08:23 Փաշինյանը՝ երկու քարի արանքում․ «Հրապարակ»
- 01/18/2025 08:20 Հերթական խորհուրդն է ստեղծվել․ ի”նչ են փոխելու ոստիկանության համակարգում վարչապետն ու 30 պաշտոնյաների աստղաբույլը. «Ժողովուրդ»
- 01/18/2025 08:18 Նիկոլ Փաշինյանի նոր վախերը․ «Հրապարակ»
- 01/18/2025 08:15 10 տարում ԱԺ կրտսեր փորձագետից՝ ՀՀ Գլխավոր հարկադիր կատարող․ ով է Սիրո Ամիրխանյանը. «Ժողովուրդ»
- 01/18/2025 08:12 Տուգանվելու նոր թեմա են մտածել․ «Հրապարակ»
Գործ #
09/21/2024 14:53
«Արմավիր» ՔԿՀ-ում կալանավորին տևական ժամանակ խոշտանգել, ապա՝ սպանել են՝ «կանոններ» չպահելու, այդ թվում՝ գիշերն անկողնում միզելու համար, ՔԿՀ -ում նույն խցում են պահել սպանվածի որդուն ու հորը սպանողին
03/06/2023 21:01
Արյունոտ օղակն ամբողջական չէ առ այսօր. Ինչ կապ ուներ Յուզբաշյանի սպանությունը Ղանդիլյանի սպանության հետ
06/17/2022 17:36
Նոտարի աշխատասենյակից հափշտակվել է կնիքը ու աշխատասենյակը հրկիզվել՝ ԵԿՄ Էրեբունու տարածքային բաժանմունքի նախագահ Մանվել Բատիկյանի քավորությամբ. Խարդախությունների մի ամբողջ կծիկի հետքերով
07/20/2020 20:31
Վանաձորում սպանվել է հայտնի ֆիզիկոս Մնացականյանը. Սպանության առիթը՝ 1000 դրամ
ՓԱՍՏԱԹՂԹԵՐ
- 09/27/2024 20:29 Միջպետական սահմանների՝ աշխարհագրական առումով ճշգրտման հարցերը գործադիր իշխանության իրավասության տիրույթում են. հրապարակվել է ՍԴ որոշումը
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
Հարցազրույց
- 01/04/2025 20:09 Ինֆորմացիա բացեմ՝ դեռ 90-ականներից հանցավոր պլան է մշակվել, որ Հայաստանում չպետք է լինի 1 միլիոնից ավել հայ. դրա հետևում միայն թուրքերը չեն. էքստրասենս
- 12/30/2024 11:29 Ամանորի նախաշեմին «Հայաստան» խմբակցության անդամներն այցելել են առաջնագիծ
- 12/19/2024 19:01 Եթե Ադրբեջանը Հայաստանի վրա հարձակվելու մտադրություն չունի, էսկալացիայի հավանականությունը զրո է. Փաշինյանն արձագանքել է Ալիևի հայտարարություններին
- 12/16/2024 22:51 Դավիթ Առուշանյանը՝ իր նախորդի ճակատագրին արժանանալու հնարավորության մասին
Մեկնաբանություն
- 01/17/2025 17:41 Գնամ Եռաբլուր, ասեմ՝ հորդ դատեցին․ Աստղ Գալեյան
- 01/17/2025 16:20 Աշխարհը չի կարող թույլ տալ, որ Ադրբեջանի շինծու արդարադատությունը հաղթի. Օսկանյան
- 01/17/2025 14:47 Գաբրիել Չենբերջյանը կմնա ազատության մեջ
- 01/17/2025 14:05 Ակնհայտ է, որ Ալիևի նպատակն է հերթական շանտաժների, սպառնալիքների ու վերջնագրերի միջոցով կորզել հերթական զիջումներ, նվաճել ռազմավարական նշանակության նոր տարածքներ. Դանիելյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ