Փաստ ինֆո

Փետրվարի 18-ին Քիշնևում 34-ամյա ստոմատոլոգ Ալեքսեյ Միտակին հաշվեհարդար է տեսել կնոջ՝ 30-ամյա մոդել ու երգչուհի Անաստասիա Չեկատիի հետ: Նրան գտել են դանակի վնասվածքով՝ վզի շրջանում: Կնոջը սպանելուց հետո Միտակին ինքնասպան է եղել:

Ըստ life.ru-ի, Մոլդավիայի իրավապահները հայտարարել են, որ իրենց մոտ մեկ հիմնական վարկած է մնացել, որն իրենք մշակում են: Նրանց կարծիքով, Չեկատին սպանվել է սեփական սիրեկանի կողմից՝ խանդի հողի վրա: Միտակին, ով ինքնասպան է եղել հաշվեհարդարից հետո, սիրած կնոջը անհավատարմության մեջ է կասկածել: «Մենք այժմ ունենք տեղի ունեցածի հստակ պատկերացումը: Ողբերգության հիմքում միջանձնային հարաբերություններն են: Սիրած կնոջ սպանության պատճառը խանդն է, որից հետո տղամարդն ինքնասպան է եղել»,- հայտնել է ոստիկանության գլխավոր տեսչության պետ Ալեքսանդր Պինզարը:

Այդ մասին են վկայում բոլոր հայտնաբերված հանցանշանները: Դանակը, որով Միտակին սպանել է մոդելին, ուժայինները գտել են խոհանոցում, դրա վրա զոհված կնոջ արյան հետքերն են ու Ալեքսեյի մատնահետքերը: Ոչ մի երրորդ անձ բնակարանում չի եղել: Դեպքի վայր ժամանած ուժայինները հարկադրված են եղել կոտրել դուռը, քանի որ այն կողպված է եղել ներսից:

Երբ ոստիկանները բնակարան են մտել, նրանք գտել են լաց լինող փոքրիկի, ով ծնվել էր ողբերգությունից երկու շաբաթ առաջ: Նրա հետ ամեն ինչ կարգին էր: ԶԼՄ տվյալներով, Միտակին զանգահարել է ազգականներին՝ խնդրելով հոգ տանել աղջկա մասին:

Ըստ Ալեքսեյի ազգականների, Չեկատին խնդրել է իր անունով ստոմատոլոգիական կլինիկա բացել Դուբայում, սակայն դա նրան չի հաջողվել: Տղամարդը հանուն մոդելի թողել էր իր կնոջը՝ երեխայի հետ, ում հետ ընդհանուր բիզնես ուներ՝ մայրաքաղաքում ստոմատոլոգիական կլինիկա: Սակայն նոր ընտանիքում հարաբերությունները համերաշխ չէին: Վերջին ժամանակներս նրանք Անաստասիայի հետ միասին չէին ապրում: Ստոմատոլոգի ընկերներն ասում են, որ մոդելը նրան թույլ չէր տալիս հանդիպել երեխայի հետ, ով ընդամենը 20 օրական է: Իսկ ամեն այցելության համար պահանջում էր նրանից 1000-ական եվրո:

Միտակին խենթի պես խանդում էր գեղեցկուհի մոդելին և կասկածում, որ նա հավատարիմ չէ իրեն: Նա համոզված էր, որ Անաստասիայի մոտ ավելի ունևոր տղամարդ է հայտնվել և սպասում էր, որ նա կհայտարարի հարաբերությունները խզելու մասին ու կտանի դստերը:

Այժմ աղջիկը, ինչպես նախկինում, հիվանդանոցում է: Այն պատճառով, որ նա կրծքով էր կերակրվում, բժիշկները նրա համար ընտրում են առավել օպտիմալ արհեստական սնունդ: Հայտնվել են սննդային անհամատեղելիության նշաններ, քանի որ մինչ այդ երեխան կրծքի կաթ էր ուտում: Մենք խնամում ենք երեխային, կա սննդային խանգարում, սակայն աղջկա վիճակը բավարար է, հայտարարել է մանկական նեոնաթոլոգիական ծառայության ղեկավար Յուլիա Գավրելյուտան:

Դրանից հետո աղջկան 45 օրով կտեղափոխեն ժամանակավոր տեղաբաշխման ու վերականգնման կենտրոն՝ մինչ երեխայի իրավունքների հարցերով վարչությունը կորոշի ում խնամակալությանը նրան հանձնել: Արդեն փոքրիկին դաստիարակելու ցանկություն է հայտնել Անաստասիայի մայրը:

Աղբյուր` Փաստինֆո