Փաստ ինֆո

Թաիլանդում տասը ռուսաստանցիներ ձերբակալվել են՝ անլեգալ «սեքս-թրենինգի» անցկացման ժամանակ: Այս մասին հաղորդում է «Կխաո Սոթ» թերթի ինտերնետային տարբերակը:

Նրանց թվում է «սեքս-գուրու» Ալեքսանդր Կիրիլլովը, ով հանդես է գալիս Ալեքս Լեսլի ծածկանվամբ: Միջոցառումը տեղի էր ունենում կիրակի օրն ուշ երեկոյան Պատտայյա քաղաքի հյուրանոցներից մեկում:

«Կոմսոմոլսկայա պրավդա» թերթի տվյալներով, Կիրիլլովի հետ միասին ձերբակալել են Անաստասիա Վակուշևիչին (Նաստյա Ռիբկա):

Ռուսաստանցիներին մեղադրանքներ են առաջադրվել Թաիլանդ անլեգալ մուտք գործելու, արտոնագրի գործողության ավարտից հետո երկրում գտնվելու, ինչպես նաև առանց պաշտոնական թույլտվության աշխատանքի համար:

Բոլոր ձերբակալվածները թրենինգում հանդես էին գալիս որպես գայթակղելու ու սեքուալ տեխնիկայի դասավանդողներ: Ունկնդիրներին՝ 43 ռուսաստանցիներին, ոստիկանությունը բաց է թողել հարցաքննելուց հետո, որի ժամանակ նրանք ցուցմունք են տվել, որ յուրաքանչյուրը «սեքս-գուրու»-ին վճարել է 20 հազարական թաիլանդական բատ (մոտ 650 դոլար) պարապմունքների հինգ օրվա համար:

ՌԻԱ Նովոստիի աղբյուրը Պատտայյայի ոստիկանությունում հայտնել է, որ ձերբակալությունը տեղի է ունեցել «Իբիս Օթել» հյուրանոցում, ժամը 23:00-ին:

«Թրենինգը գովազդվում էր Համացանցում, իսկ այն, որ գովազդը ռուսերեն լեզվով է եղել, չի խանգարել մեզ պարզել, թե հատկապես որտեղ է այն անցկացվում»,- ասել է գործակալության զրուցակիցը: Ըստ նրա, ոստիկանությունը դեռևս ԶԼՄ-ներին չի փոխանցել ձերբակալվածների ցուցակը, սակայն «գուրու» Ալեքս Լեսլին նրանց մեջ հաստատ կա»:

Ռուսաստանյան դեսպանությունում հայտարարել են, որ ձերբակալվածներին սպասվում է արտաքսում:

Աղբյուր` Փաստինֆո