Փաստ ինֆո

Սպիտակ տունը թաքցնում է ԱՄՆ-ում միջուկային զենքի վիճակի մասին փաստերը, հայտարարում է The Washigton Post թերթը: Մի շարք փորձագետներ քննադատել են Պենտագոնի կողմից նախապատրաստված «Միջուկային քաղաքականության տեսությունը», որտեղ լռում են ամերիկացիների կողմից սպառազինությունների, մասնավորապես, միջմայրցամաքային բալիստիկ հրթիռի մշակման մասին:

Թրամփի վարչակազմի զեկույցը հրապարակվել էր փետրվարի սկզբին: Նրանում ասվում է, որ Վաշինգտոնը կրճատում է միջուկային զենքի պաշարները այն դեպքում, որ Մոսկվան ու Փհենյանը ակտիվորեն զբաղվում են միջուկային համակարգերի մշակմամբ և դրանում առաջ են անցել ԱՄՆ-ից: Փաստաթղթին կցված է աղյուսակ, որը ցուցադրում է Ռուսաստանի ու ասիական երկրների նվաճումները վերջին ութ տարիներին: «Միջուկային քաղաքականության տեսությունը» սահմանում է նոր միջուկային դոկտրին, որով առաջարկվում է ամերիկյան միջուկային զենքի արդիականացում:

Ամերիկյան գիտնականների ֆեդերացիայում Միջուկային սպառազինությունների մասին ինֆորմացիոն նախագծի ղեկավար Հանս Կրիստենսենը թերթին տված հարցազրույցում պատմել է, որ ԱՄՆ-ն սպառազինության է վերցրել նոր համակարգերը 1990-ականներին ու 2000-ականների սկզբներին: Ռուսաստանում արդիականացումն ավելի ուշ է սկսվել: Քանի որ զեկույցը 2010թ.-ը վերցրել էր որպես միջուկային զենքի զարգացման դինամիկայի հաշվարկի կետ, դա թույլ է տալիս Սպիտակ տանը թաքցնել ռազմական բնագավառի իրական վիճակը:

Բացի այդ, աղյուսակում չեն ներառել որոշ ամերիկյան համակարգեր, որոնք մշակվում են, սակայն դեռևս սպառազինության չեն ընդունվել: Դրանց թվում են՝ B-21 Raider ռմբակոծիչը, Columbia կլասսի հրթիռային ստորջրյա կրեյսերը, մեծ հեռահարության թևավոր նոր հրթիռը ու միջմայրցամաքային նոր բալիստիկ հրթիռը: Այդ ծրագրերի ընդհանուր արժեքը գնահատվում է 400 մլրդ դոլար:

Միաժամանակ ներկայացվել են Ռուսաստանի ու Չինաստանի սպառազինությունները, որոնք ըստ էության, ավելի վաղ սպառազինությունների արդիականացված տարբերակներն են: Սակայն ամերիկյան զենքի որոշ տիպեր, որոնց արդիականացումը հանգեցրել է նոր տիպի համակարգերի ստեղծմանը, ցանկի մեջ նույնպես չեն ընկել:

Աղբյուր` Փաստինֆո