Փաստ ինֆո

Ռուսաստանի ՆԳՆ քրեական հետախուզության գլխավոր վարչության աշխատակիցները՝ Ռոսգվարդիայի «Ռիս»արագ արձագանքման հատուկ ջոկատի ուժային աջակցությամբ, ձերբակալել են էթնիկական խմբի առաջնորդին, ով 20 տարի գտնվում էր միջազգային հետախուզման մեջ: Նրա գլխավորած բանդան զբաղվում էր ավազակությամբ, մարդկանց առևանգմամբ և բանդիտիզմով Ադրբեջանի տարածքում, ըստ crimerussia.com-ի, հաղորդել են ՆԳՆ մամուլի ծառայությունից:

1997թ.-ից 49-ամյա տղամարդն, ում անունը չի հայտնվում, թաքնվում էր քրեական պատասխանատվությունից: ԽՍՀՄ կեղծ անձնագրով նա ստացել էր նաև քաղաքացիություն և ռուսաստանյան անձնագիր: Իրավապահ մարմինների աշխատակիցները պարզել են, որ այդ անվամբ Ադրբեջանում բնակվում է բացարձակապես ուրիշ մարդ:

Մոսկվայում Ռամենկի շրջանում վարձակալված բնակարանում խուզարկության ժամանակ ձերբակալվածի մոտ հայտնաբերել են մարտական ատրճանակներ ԻԺ-70, «Բրաունինգ», դրանց 9 մմ տրամաչափի 23 փամփուշտ, ինչպես նաև նրա անվամբ Ղազախստանի քաղաքացու կեղծ անձնագիր: Այդ փաստով քրեական գործ է հարուցվել ՌԴ քրեական օրենսգրքի 222-րդ հոդվածի առաջին մասով:

Ներկա դրությամբ ձերբակալվածին կալանավորել են, չեղյալ են հայտարարել քաղաքացիությունը և անվավեր ճանաչել նրան տրված ռուսաստանյան անձնագիրը: Փախստականին Ադրբեջանին արտահանձնել մտադիր են միայն Ռուսաստանում պատիժը կրելուց հետո:

Այժմ ստուգվում է այլ հանցագործություններին նրա մասնակցությունը:

Աղբյուր` Փաստինֆո