Փաստ ինֆո

Արթուր Աթաբեկյանը  (Արթուր Մոլոդոյը) պատմել է  օպերատիվ աշխատողներին «գողական սխոդկաների» անցկացման հարցում Սոչիից գործարար Ռուբեն Թաթուլյանի դերակատարության մասին:  Նրա խոստովանություններով տեսագրությունը հայտնվել է Vimeo վիդեոհոսթինգում:  Մասնավորապես, ըստ նրա, Ռոբսոնը Շաքրո Մոլոդոյի վաղեմի զինակից Կոնստանտին Մանուկյանի հետ (նա ներկա պահին թաքնվում է ՌԴ սահմաններից այն կողմ) 2015թ. Երևանում  կազմակերպել և ֆինանսավորել  է հանցավոր «հեղինակությունների» վերջին տարիների  ամենախոշոր ու նշանակալից ժողովը:  Այն «սխոդկան» առաջինն  է  եղել Զախարի Կալաշովի՝ Իսպանիայից Ռուսաստան վերադառնալուց հետո: Այնտեղ էլ թիվ 1 «գողը» անց է կացրել «գողական» միջավայրի տոտալ «վերաֆորմատավորումը» և փոփոխել իր բացակայության ժամանակ գոյություն ունեցած ուժերի դասավորությունը:

Աթաբեկյանը նշել է, որ ավելի վաղ որպես «սխոդկայի» կազմակերպիչ դիրքավորված «օրենքով գող» Արմեն Հարությունյանի (Արմեն Կանևսկոյ) եղբայր Արտյոմը գործնականում միայն դիմավորում էր մարդկանց օդանավակայանում և տեղավորում հյուրանոցներում:

Նշենք, որ  2017թ. վերջին ամերիկյան իշխանությունները Սոչիից ձեռնարկատեր Ռուբեն Թաթուլյանին ներկայացրել էին որպես հայտնի «օրենքով գողերի» հովանավորներից մեկը եւ նրան ներառել այսպես կոչված «սեւ ցուցակում», որտեղ ընդգրկվածների նկատմամբ ԱՄՆԱ իշխանությունները որոշ սահմանափակումներ են կիրառել։  Ի պատասխան՝  գործարարն այդ տեղեկատվությունը որակել է որպես «ֆեյք» և սպառնացել դատի տալ ամերիկյան իշխանություններին:

Թաթուլյանը պնդել է, որ երբեք չի այցելել «գողական սխոդյաները» և պատկերացում չունի ինչի մասին է խոսքը: Նա հավելել է, որ հաղթել է նման տեղեկատվություն տարածած պարբերականների դեմ բոլոր դատավարություններում:

Թաթուլյանը նաեւ հարցազրույց էր տվել Սոչիից մի  բլոգեր, որի ընթացքում Դեդ Հասանի հետ ծանոթության մասին հարցին միայն  պատասխանել է, որ ծանոթ է եղել «հարյուր հազարավոր մարդկանց» հետ:

Ինչ վերաբերում է «Մոսկվայից հարուստ մարդուն», ինչպես նրան բնութագրել է Աթաբեկյանը,  Կոնստանստին Մանուկյանին, ապա  2016թ. նրա նկատմամբ հայտարարվել է միջազգային հետախուզում «Շաքրո Մոլոդոյի գործի» քննության շրջանակներում: 

Ինքը՝ Արթուր Աթաբեկյանը,   մտել է Դոնի Ռոստովի թիվ 1 քննչական մեկուսարան, որն առավել հայտնի է որպես «Բոգատյոնովկա» անցյալ տարվա ամռանը, ինքն իրեն հայտարարելով որպես «օրենքով գող»: Իբրև շրջանցելով նոր «թագադրումների» վերաբերյալ Կալաշովի արգելքը, նրա սանիկներն են դարձել Գայոզ Զվիադաձեն  (Գիա Քութաիսսկի)  և Գոչա Ալփաիձե-Անտիպովը (Ալֆասոնա): 

Սակայն  ռոստովյան «նայող»Նոդար Ասոյանի (Նոդար Ռուսթավսկի) և նրա հանձնակատար Գիլիանի Սեդոյի  հեղինակությունն ընդունող քննության ներքո գտնվողները չեն ճանաչել Աթաբեկյանի կարգավիճակը:

Աղբյուր` Փաստինֆո