Փաստ ինֆո

Մոսկվայում ձերբակալվել է հայկական ծագման հայտնի գործարար Օլեգ Մկրտչյանը, ով Դոնբասում սեփականություն ունի, գրում է «Մոսկովսկի կոմսոմոլեցը»:

Օլեգ Մկրտչյանը խորհրդանշական ֆիգուր է Դոնբասի և ամբողջ հետխորհրդային տարածքի համար: Նա Դոնբասի արդյունաբերական միության երեք հիմնադիրներից մեկն է, մի մարդ, ով առնչություն ունի երեք տարբեր երկրներում՝ Ռուսաստան, Ուկրաինա, Հայաստան, միանգամից երեք ֆուտբոլային ակումբների կառավարմանը, «Մանչեսթեր յունայթեդ» և լոնդոնյան «Արսենալ»-ի նախկին խաղացող Հենրիխ Մխիթարյանի ճակատագրում դեր խաղացած մեկենաս, նա բավականին ոչ հանրային մարդ էր:

Օրինակ, նշում է լրատվամիջոցը, Դոնեցկի «Մետալուրգ»-ում միշտ նախագահ է եղել Միության մեկ այլ հիմնադիր Սերգեյ Տարուտան, սակայն ակումբին առնչություն ունեցող յուրաքանչյուր ոք կարող էր ասել, ակումբում բոլոր հարցերը լուծում էր Օլեգ Մկրտչյանը: Հայաստանում Մկրտչյանը «Բանանց» (Երևան) ֆուտբոլային ակումբի սեփականատերն էր, իսկ Ռուսաստանում մի ժամանակ մտերիմ էր Կրասնոդարի երկրամասի նահանգապետ Ալեքսանդր Տկաչովի հետ և օգնում էր տեղական «Կուբանին»:

Այն պահին, երբ Դոնեցկի «Շախտյորը» Դորտմունդի «Բորուսիային» վաճառում էր Հենրիխ Մխիթարյանին՝ խաղացողի համար իրավունքների 50%-ը պատկանում էր Օլեգ Մկրտչյանին: Այդ տրանսֆերն ամենաթանկն էր դորտմունդյան ակումբի պատմության մեջ և Մխիթարյանի համար ստացված 27.5 մլն եվրոյի կեսը ստացել էր Օլեգ Մկրտչյանը:

Նշվում է, որ թերևս Մկրտչյանի կալանավորումը կարող է և ոչ մի կերպ կապված չլինել Դոնբասում պատերազմի և ուկրաինական մետալուրգիայի համար պայքարի հետ:

Դոնբասի արդյունաբերական միության ուկրաինական ղեկավարությանը մոտ կանգնած «Մոսկովսկի կոմսոմոլեցի» աղբյուրները շատ հակիրճ են մեկնաբանել Մոսկվայում կալանավորումը՝ մեր տեսանկյունից ձերբակալությունը կարող է կապված լինել միայն Դոնբասի արդյունաբերական միության նախագծերին, Օլեգ Մկրտչյանի մյուս բիզնես նախագծերին հատկացված միջոցների վատնման հետ:

Աղբյուր` Փաստինֆո