Փաստ ինֆո

Կոլումբիայից հայտնի plus-size մոդել Մարիա Խիմենես Պասիֆիկոն պատմել է, թե ինչպես են իրեն բազմիցս բռնաբարել, հաղորդում է The Independent-ը:

Տեղի ունեցածի մասին աղջիկը հայտնել է դեռևս հունվարին El Espectador թերթին, սակայն պատմությունը հայտնի է դարձել միայն այժմ՝ Ինստագրամի իր էջում նրա գրառման շնորհիվ: Այդպես նա գրավել է ամբողջ աշխարհի ԶԼՄ-ների ուշադրությունը:

Ըստ Պասիֆիկոյի, առաջին անգամ իրեն բռնաբարել է «այսպես կոչված ընկերը», երբ ինքը 15 տարեկան է եղել:

«Նա հրավիրել է ինձ իր տուն երեկույթի: Մենք խմել ենք, և նա առաջարկել է ինձ ճանապարհել: Նա ասել է, որ ցանկանում է հոգ տանել իմ մասին, սակայն դրա փոխարեն ինձ այգի է քաշ տվել ու բռնաբարել»,- ասել է մոդելը:

22 տարեկանում անծանոթ տղամարդը ինչ-որ բան է լցրել իր ըմպելիքի մեջ, տարել իր տուն և մի քանի անգամ անընդմեջ բռնաբարել իրեն: Մոդելը դիմել է ոստիկանություն, սակայն վթարից հետո հիշողության խափանումների պատճառով մեղադրյալը կարողացել է խուսափել պատժից:

Մինչև meToo ֆլեշմոբը, որի ընթացքում ամբողջ աշխարհից կանայք պատմում էին ապրած բռնության մասին պատմություններ, Պասիֆիկոն մտածում էր, որ ինքն է մեղավոր, սակայն հետո գիտակցել է, որ դա այդպես չէ: Մոդելը հայտնել է տեղի ունեցածի մասին՝ բռնության մասին պատմել վարանող և դրա համար իրենք իրենց մեղադրող այլ զոհերին համարձակություն ներշնչելու համար:

Մարիա Խիմենես Պասֆիկոն Կոլումբիայից առաջին plus-size մոդելն է, նա աշխատում է Dorothy Perkins, Zara, Lindex և այլ բրենդների հետ:

Աղբյուր` Փաստինֆո