Փաստ ինֆո

Շենգավիթ վարչական շրջանի դատավոր Իշխան Բարսեղյանն այսօր դատարան չէր ներկայացվել: Նախագահող դատավորը դատավարության մասնակիցներին տեղեկացրեց, որ Բարսեղյանը դիմում է հասցեագրել դատարանին, որը դեռևս դատարանը չի ստացել, սակայն բանավոր կարգով տեղեկացրել է, որ առողջական վիճակը լավ չէ, և չի կարող ներկայանալ նիստին:

Միևնույն ժամանակ դատարանը տեղեկացրեց, որ «Դատապարտյալների հիվանդանոց» ՔԿՀ-ի բժշկից դատարանը տեղեկացել է, որ Բարսեղյանն ի վիճակի է ներկայանալ նիստին:

Այս պայմաններում դատարանը հայտարարեց, որ դեռևս ձեռնպահ կմնա բռնի ուժով Բարսեղյանին դատական նիստին բերելուց:

Ասվածի կապակցությամբ Բարսեղյանի պաշտպան Վարդուհի Էլբակյանը հայտարարեց, որ որևէ մեկը, այդ թվում նաև՝ դատարանը, չի կարող ամբաստանյալին բռնի ուժով դատարան ներկայացնել:

Այս պահին նիստը ընդմիջվել է և սպասում են՝ Բարսեղյանի դիմումը դատարան բերեն և քննարկեն:

Աղբյուր` Փաստինֆո