Փաստ ինֆո

Ողբերգությունը տեղի է ունեցել Ուտկինի փողոցում գտնվող տանը, հունվարի 23-ին: Սկզբից արտակարգ ծառայություններ հաղորդում էր ստացվել մասնավոր տներից մեկում հրդեհի մասին: Կրակը մարելուց հետո այրված շինությունում հայտնաբերվել էր երեք դիակ՝ տղամարդու և երկու կնոջ:

Ըստ life.ru-ի, նախնական փորձաքննությունը ցույց էր տվել, որ մահվան պատճառը կրակը չէ. բոլոր երեք զոհերի գանգը կոտրված էր:

Գլխավոր կասկածյալ էր դարձել զոհված տղամարդու զարմիկը, ով բնակվում էր տան երկրորդ մասում: Քննության վարկածով, տղամարդկանց միջև կոնֆլիկտ էր ծագել, որն ավարտվել էր սպանությամբ: Կատարածի հետքերը թաքցնելու համար էլ կասկածյալը բենզին էր լցրել սենյակում ու հրկիզել:

«Հարցաքննության ժամանակ տղամարդը խոստովանական ցուցմունքներ է տվել, հայտնելով, որ իր զարմիկը ասոցիալական կյանք էր վարում և չարաշահում էր ալկոհոլային խմիչքները, նաև տուն և տնամերձ տարածք էր բերում առանց որոշակի բնակության վայրի անձանց»,- հայտնել են Ռուսաստանի քննչական կոմիտեի Մոսկվայի մարզի գլխավոր քննչական վարչությունից:

Հունվարի 23-ին կասկածյալի ու տուժողի միջև տեղի է ունեցել հերթական կոնֆլիկտը. տղամարդը զարմիկի, նրա կենակցուհու ու նրանց հյուր եկած կնոջ գլխի շրջանին հարված է հասցրել մետաղե ձողով, որից հետո հրկիզել է տունը:

Կասկածյալը ձերբակալվել է, քրեական գործ է հարուցվել սպանության հոդվածով:

Ըստ Մոսկովսկի կոմսոմոլեցի, մարդասպանը Խորհրդային Միության հերոս Վալերի Ուտկինի թոռն է, պապի պատվին էր անվանակոչվել Կորոլյովում փողոցը:

Աղբյուր` Փաստինֆո