Փաստ ինֆո

«Արսենալի» պաշտոնական կայքը տեսանյութ է հրապարակել, որում թիմի նորեկ Հենրիխ Մխիթարյանը պատասխանում է մի շարք հարցերի: 

Ահա, թե ինչ պատասխաններ է տվել Մխիթարյանը.

- Ֆուտբոլի վերաբերյալ առաջին հիշողությունը.

- Ֆուտբոլի վերաբերյալ առաջին հիշողությունս կապված է այն ժամանակների հետ, երբ հայրս ֆուտբոլ էր խաղում, և ես հետևում էիր նրա խաղին մարզադաշտից: 

- Առաջին մարզաշապիկը, որ գնել եմ.

- Եղել է «Միլանի» մարզաշապիկը:

-Երբ ես փոքր էի, իմ ֆուտբոլային հերոսը ...

- Զինեդին Զիդանն էր: Հիանալի էր այն, թե նա ինչպես էր խաղում: Նա կարծես դաշտում արտիստ լիներ:

- «Արսենալի» հետ կապված իմ առաջին հիշողությունը ...

- Կապված է դեռ այն ժամանակների հետ, երբ թիմը խաղում էր «Հայբրի» մարզադաշտում, և այն, թե ինչպես էին նրանք խաղում, հրաշալի էր:

- «Արսենալի» բոլոր ժամանակների լավագույն ֆուտբոլիստը ...

- Թիերի Անրին է:

- Ֆուտբոլի պատմության բոլոր ժամանակների լավագույն խաղացողը ...

- Լիոնել Մեսսին է:

- Լավագույն խաղը, որին ես երբևէ մասնակցել եմ ...

- ԵԼ-ի նախորդ տարվա եզրափակիչն է «Այաքսի» դեմ:

- Իմ կեղծանունն է...

- Ես չունեմ կեղծանուն (ծիծաղում է)

- Ինձ համար բոլոր ժամանակների լավագույն ֆիլմն է...

- «300 սպարտացիները»:

- Ինձ բնութագրող երգը կլինի ...

- «Whoa Mkhitaryan»

- Իմ սիրելի գիրքն է...

- Սիրելի շատ գրքեր ունեմ, բայց վերջինը կնշեմ Պաուլո Կոելյոյի «Ալքիմիկը»:

- Բացի ֆուտբոլից, սիրում եմ ...

- Քնել, հանգստանալ և վայելել կյանքը:

- Հյուսիսային Լոնդոնը ...

- Հյուսիսային Լոնդոնը կարմիր է:

Աղբյուր` Փաստինֆո