Փաստ ինֆո

ՀՀ «Դատական օրենք» սահմանադրական օրենքի նախագծի 72-րդ հոդվածով, որպես դատական սանկցիա, սահմանվել է դատական տուգանք մինչև 100.000 ՀՀ դրամի չափով դատավարությանը մասնակցող անձանց՝ այդ թվում և փաստաբանների նկատմամբ:

Այս առնչությաբ փաստաբան Նորայր Նորիկյանը «Փաստինֆո»-ի հետ զրույցում կարծիք հայտնեց, որ սա ոչ այլ ինչ է, եթե ոչ փաստաբաններին դատարանների համար կանխատեսելի, կառավարելի և վերահսկելի դարձնելու գործիք, ինչը, վերջին հաշվով, խայտառակություն է:

Նշված հանգամանքի կիրառման արդյունքում արդարադատության իրականացման ամբողջ գործընթացը կդառնա կասկածելի ու անպիտան:
Սա փորձ ու ոտնձգություն է փաստաբանական ինստիտուտի՝ որպես մարդու իրավունքների պաշտպանության կարևորագույն օղակի դերն ու նշանակությունը նվազեցնելու համար:
Փաստաբանը նաև նշեց, որ անկախ որևէ պատկերացումներից ու դրևսրումներից, փաստաբանական համայնքը պետք է իր կտրուկ դիրքորոշումն արտահայտի նշված հարցի կապակցությամբ և ներդնի հնարավոր բոլոր ջանքերը՝ փաստաբանությանն ու մարդու իրավունքներին ուղղված այս մարտահրավերը չեզոքացնելու համար:

Աղբյուր` Փաստինֆո