Փաստ ինֆո

Վերջին օրերին հանրության ուշադրության կենտրոնում գտնվող «Ճվճվ Արոյի» որդիները՝ իրավապահների տեսադաշտում են եղել դեռևս մի քանի տարի առաջ: Քննչական կոմիտեի ձևավորումից հետո եղբայրների վերաբերյալ 3 քրեական գործ է ուղարկվել դատարան։ Այս մասին «Փաստինֆո»-ի հարցմանն ի պատասխան հայտնեցին ՀՀ քննչական կոմիտեից։
Դատալեքս դատական տեղեկատվական համակարգից տեղեկացանք, որ դրանցից մեկով շուրջ 3 տարի է, դատաքննությունն ընթանում է:

Մինչ դատարանը քննում է 24-ամյա Սերժ Վարդանյանի վերաբերյալ գործը՝ վերջինս իր մասին հանրությանը մոռացության չի տալիս:
Մասնավորապես, ներկայումս 25-ամյա Սարգիս Վարդանյանը մեղադրվել է ՀՀ քրեական օրենսգրքի 258-րդ հոդվածի 3-րդ մասի 1-ին կետով, ըստ մեղադրանքի՝ Սարգիս Վարդանյանը 01.01.2016թ. հասարակական վայր հանդիսացող «Վեյվ» կարաոկե ակումբում, չնչին առիթն օգտագործելով, Անդրանիկ Շահինյանի հետ միմյանց հասցեին հայհոյանքներ են հնչեցնելու բղավել, միմյանց քաշքշել, փոխադարձ հարվածներ են հասցրել ` խաթարելով ակումբի բնականոն գործունեությունը: Քննչական կոմիտեն մեղադրանք է առաջադրել Սարգիս Վարդանյանին՝ խուլիգանության համար ու քրեական գործն ուղարկել դատարան։
Քրեական գործը քննվել է Արաբկիր և Քանաքեռ-Զեյթուն վարչական շրջանի ընդհանուր իրավասության դատարանում: Դատավճռով Վարդանյանը մեղավոր է ճանաչվել առաջադրված մեղադրանքում:

Ինչ վերաբերում է մյուս եղբորը՝ Սերժ Վարդանյանին, ապա նրա վերաբերյալ 2 գործ է Քննչական կոմիտեն քննել և ուղարկել դատարան, որոնցից մեկով գործը դատարան է ուղարկվել դեռևս 2014 թվականին, սակայն Կենտրոն և Նորք-Մարաշ վարչական շրջանների ընդհանուր իրավասության դատարանը՝ նախագահությամբ Գագիկ Պողոսյանի 3 տարի է քննում է այդ գործը:
Գործը ողջամիտ ժամկետներում քննելու մասին դատարանը երևի թե մոռացել է։
Ինչպես տեղեկանում են դատական տեղեկատվական համակարգից, ըստ մեղադրանքի՝ Սերժ Վարդանյանը Ռոբերտ Հայրապետյանի հետ «Լադա Պրիորա» մակնիշի ավտոմեքենայով Երևան քաղաքի Սարյան փողոցով երթևեկելու ընթացքում դիտավորությամբ կոպիտ կերպով խախտել են հասարակական կարգը` որն արտահայտվել է հասարակության նկատմամբ բացահայտ անհարգալից վերաբերմունքով, այդ թվում Շանթ Մագարյանի նկատմամբ բռնություն գործադրելով:

Սերժ Վարդանյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով և նրա նկատմամբ որպես խափանման միջոց է ընտրվել չհեռանալու մասին ստորագրությունը:

Մինչ դատավոր Գագիկ Պողոսյանը մտորում է այդ ընթացքում 2016թ. Սերժ Վարդանյանը կրկին հայտնվում է իրավապահների տեսադաշտում՝ այս անգամ գույքը դիտավորությամբ վնասելու մեղադրանքով:
Վարույթն իրականացնող մարմինը Սերժ Վարդանյանին մեղադրանք է առաջադրել 23.03.2016թ. ժամը` 15:00-ին «BMW» մակնիշի ավտոմեքենան վարելով ճանապարհային երթևեկության կանոնները խախտելու և ՀՀ ՃՈ 1-ին գումարտակի 4-րդ դասակի տեսուչ Գևորգ Սարգսյանի օրինական պահանջը` «կանգ» հրահանգին չկատարելու և փախուստի ժամանակ վթարային իրավիճակ ստեղծելու համար:

Ընդ որում Սերժ Վարդանյանը, տեսնելով ոստիկանության աշխատակիցների կողմից ստեղծված արգելքը, այնուամենայնիվ կանգ չի առել իր ավտոմոբիլով հարվածել է ոստիկանների մեքենային, ապա հրել է ոստիկանության ավտոմեքենան՝ որում գտնվել են 2 տեսուչ, որից հետո դիմել է փախուստի` ՀՀ Ոստիկանությանը պատկանող գույքին պատճառելով զգալի չափերի` 90.000ՀՀ դրամի գույքային վնաս:
Քննիչը Սարգսյանին մեղադրանք է առաջադրել 185-րդ հոդվածի 2-րդ մասի 1,3 կետերով և միջնորդել նրա նկատմամբ որպես խափանման միջոց կալանավորումն ընտրելու վերաբերյալ:
Ապա քրեական գործը՝ մեղադրական եզրակացությամբ ուղարկել է Արաբկիր և քանաքեռ-Զեյթուն վարչական շրջանների ընդհանուր իրավասության դատարան և 19-04-2016թ ընդունվել է դատավոր Մարինե Մելքոնյանի վարույթ:
Սերժ Վարդանյանը մինչ դատաքննությունն սկսելը ընդունել է առաջադրված մեղադրանքը և միջնորդել գործը քննել արագացված կարգով:
Այսպիսով, 25-05-2016 թվականի դատարանի դատավճռով Սերժ Վարդանյանը մեղավոր է ճանաչվել առաջադրված մեղադրանքում դատապարտվելով 3 ամիս ժամկետով ազատազրկման:

Սերժ Վարդանյանի «քաջագործություններն» այսքանով չեն ավարտվում, նախորդ տարի սեպտեմբերի 12-ին Հրաչյա Քոչար փողոցում Սերժ Վարդանյանը «Օպել Աստրա» մակնիշի ավտոմեքենայի սրահում պոկել և բացահայտ հափշտակել էր Կարեն Գասպարյանի պարանոցի ոսկյա շղթան:
Քննչական կոմիտեն նրան մեղադրանք առաջադրեց ՀՀ քրեական օրենսգրքի 176-րդ հոդվածի 1-ին մասի հատկանիշներով և որպես խափանման միջոց է ընտրվել ստորագրություն չհեռանալու մասին, սակայն այս դեպքից էլ ամիսներ հետո մայրաքաղաքում ևս մեկ միջադեպ գրանցվեց մի խումբ երիտասարդների մասնակցությամբ:

Սերժ Վարդանյանը 2017 թվականի նոյեմբերի 26-ին «Աֆրիկյաններ» ռեստորանային համալիրում մի խումբ երիտասարդներ հետ միասին աղմկել ու անհարգալից վերաբերմունք էին դրսևորել ռեստորանում գտնվող հաճախորդների նկատմամբ, ապա նաև բռնություն էին կիրառել և հայհոյանքներ հնչեցրել մատուցողի հասցեին:

Վարդանյանի մեղադրանքի ծավալը լրացվեց:

Վարույթն իրականացնող մարմինը ծանուցագրեր է ուղարկել Սերժ Վարդանյանին՝ ներկայանալու համար, սակայն Վարդանյանը չէր ներկայացել, ուստիև նրան բերման ենթարկելու որոշում էր կայացվել:

Այսպիսով, Սերժ Վարդանյանին ՀՀ քրեական օրենսգրքի 176-րդ հոդվածի 1-ին մասով և 258-րդ հոդվածի 3-րդ մասի 1-ին կետով որպես մեղադրյալ ներգրավելու մասին և նրա նկատմամբ հետախուզում էր հայտարարվել:

Հունվարի 9-ին հետախուզման մեջ գտնվող Սերժ Վարդանյանը հայտնաբերվել է և քանի որ դատարանը բավարարել էր քննիչի միջնորդությունը նրան կալանավորելու վերաբերյալ՝ հայտնաբերվելուց հետո անմիջապես կալանավորվեց:

Սարգիս և Սերժ Վարդանյանները կալանքի տակ են:

Աղբյուր` Փաստինֆո