Փաստ ինֆո

Թաիլանդում, Պատտայայում 26-ամյա Ուաննիպա Ջանխուատոնի՝ շաբաթ օրը վաղ առավոտյան, մահվան փաստով ձերբակալվել է Մեծ Բրիտանիայի 25-ամյա քաղաքացին: Ձերբակալության ժամանակ Ռիս Վելլան ծիծաղել է և խնդրել ծխել մինչև ձեռնաշղթաներ հագցնելը: Ռիսը Թաիլանդում հանգստանում էր արդեն չորրորդ ամիսը, թեև նրա մուտքի արտոնագրի ժամկետը վաղուց լրացել էր, և այն երկարացնելով նա չի զբաղվել, գրում է Mirror-ը:

Ուաննիպային, ով հայտնի է նաև Ջոյ մականվամբ (անգլերեն՝ ուրախություն), գիտեին որպես գերազանց հումորի զգացումով և միշտ ուրախ տրամադրություն ունեցող աղջկա: Նա իր հայրենի քաղաքից տեղափոխվել էր Սակոն- Նակխոն գավառ և աշխատում էր աշխույժ տուրիստական փողոցում գտնվող տեղի հանրահայտ Sky Bar հաստատությունում:

Այնտեղ էլ նա ծանոթացել է Ռիսի հետ, ով վճարել է նրան սեքսի համար իր հյուրանոցային համարում, հինգերորդ հարկում: Սակայն սեռական ակտի ժամանակ տղամարդը բազմազանություն է ցանկացել, և զույգը տեղափոխվել է պատշգամբ: Ինչ-որ կերպ Ուաննիպան վայր է ընկել այնտեղից ու զոհվել գլխի ու պարանոցի բազմաթիվ վնասվածքներից: Ըստ Ռիսի, նա այն աստիճան է ցնցված եղել տեղի ունեցածից, որ շտապել է թողնել հանցագործության վայրը:

Ոստիկանություն կանչել է օթելի վարչակազմը՝ պահնորդը առաջին հարկում դղրդյուն է լսել և շտապել փողոց դուրս գալ: Աղջկա վրա քսուք է եղել, այլ թեստեր նույնպես հաստատել են, որ մահվանից ոչ շատ առաջ աղջիկը սեռական ակտի մասնակից է եղել: Սենյակում հայտնաբերվել են նրա իրերը, հագուստը, ամեն ինչ, բացի հեռախոսից:

Ռիսը ձերբակալվել է պատահարից հաշվված օրեր անց, նրան ճանաչել են արտաքին տեսահսկման խցիկով: Նրա մոտ երկու հեռախոս է եղել, որից մեկը պատկանել է մահացած Ջոյին: Ոստիկաններին զարմացրել է այն, որ ձերբակալության ժամանակ Ռիսը ծիծաղել է և խնդրել է ծխել մինչև ձեռնաշղթաներ հագցնելը:

Ռիս Վելլան կալանավորվել է անփութության պատճառով մահ պատճառելու, ինչպես նաև Թաիլանդում անօրինական գտնվելու կասկածանքով (նրա տուրիստական վիզայի ժամկետը լրացել է 59 օր առաջ): Բրիտանացին նաև մեղադրվում է մոտոցիկլետներ փախցնելու մեջ:

Աղբյուր` Փաստինֆո