Փաստ ինֆո

Առնվազն 12 մարդ զոհվել է հրդեհի հետևանքով, որը բռնկվել է նյու-յորքյան Բրոնքսի բնակելի տներից մեկում:

«Համաձայն այս պահին ունեցած տեղեկատվության, ես խորին ափսոսանքով ստիպված եմ հայտնել, որ Նյու Յորքի 12 բնակիչներ՝ ներառյալ մեկ տարեկան երեխան, զոհվել են: Չորս մարդ ծայրահեղ ծանր տուժել են և պայքարում են իրենց կյանքի համար»,- ըստ BBC-ի ռուսական ծառայության, այդ մասին հայտնել է Նյու Յորքի քաղաքապետ Բիլլ դե Բլազիոն: Ըստ նրա, այդպիսի սարսափելի հրդեհ Նյու Յորքում տեղի չի ունեցել առնվազն քառորդ դար:

Դե Բլազիոն նաև հայտնել է, որ 12 մարդ փրկվել է այրվող տնից, հրշեջները շարունակում են զննել շենքը:

Պրոսպեկտ ավենյուում հինգ հարկանի շենքում հրդեհի մասին տեղեկություններ սկսել են ստացվել տեղական ժամանակով մոտ ժամը 19:00-ին: Հրդեհը ծագել է շենքի առաջին հարկում, ըստ ականատեսների, կրակը շենքում տարածվել է շատ արագ:

Իշխանությունները նշում են, որ հրշեջները ժամանել են երեք րոպեի ընթացքում: Հրդեհը, որին շնորհվել է 5-րդ կատեգորիա, մարել է 160 մարդ:

Հրդեհի պատճառներն այս պահի դրությամբ չեն պարզվել:

Աղբյուր` Փաստինֆո