Փաստ ինֆո

34-ամյա Քեյլին Բոուենը՝ Տեխասի Դալլաս քաղաքից, ստիպել է իր որդուն՝ Քրիստոֆերին, անցնել է ոչ պետքական 13 վիրահատությունների միջով՝ նրա կյանքի առաջին ութ տարվա ընթացքում:

Քեյլինն երեք երեխա ունի: Ամենաավագի՝ Քրիստոֆերի, մանկությունից ի վեր նա հայտարարել է, որ նա բնածին գենետիկ հիվանդություն ունի, որ նա հաղթահարել է քաղցկեղը, ինչպես նաև տառապել այլ, մանր-մունր հիվանդություններով, որոնցից անհրաժեշտ է եղել բուժվել:

Ըստ life.ru-ի, Քրիստոֆերի հայրը՝ Ռայան Քրոուֆորդը, դատարանի միջոցով փորձել է զսպել իր երեխաների մորը, սակայն այնտեղ երեք անգամ մոր կողմն են բռնել: Արդյունքում ութ տարեկան հասակում Քրիստոֆերը անցել է 13 վիրահատությունների միջով, թեև առողջ է ծնվել:

«Ամեն անգամ նույն պատմությունն էր լինում՝ Քրիստոֆերը մահանում է, իսկ քեզ համար միևնույն է, դու չգիտես ինչպես վարվել երեխայի հետ, ասում էր նա ինձ, իսկ դատարանը պաշտպանում էր թուխս մորը, ինձ աշխարհում ամենավատ հայր ու մարդ ներկայացնելով»,- ասում է Ռայան Քրոուֆորդը:

Child Protective Services կազմակերպության կողմից նախապատրաստված փաստաթղթերի համաձայն, 2009- 2016թթ. ժամանակահատվածում Քրիստոֆերին Դալլասի ու Հյուսթոնի հիվանդանոցներում տեսել են 323 անգամ: Քեյլինը պահանջել է, որպեսզի նրան տեղափոխեն սայլակով, միացնեն ապարատներին և անգամ մտցնեն դոնորական թոքի կարիք ունեցողների հաշվառման ցուցակի մեջ:

«Ահավոր է, որ իմ որդին անցել է դրա միջով… Բուժվել պետք է այն ժամանակ, երբ ինչ-որ բան ցավում է, իսկ այդ բոլոր կլինիկաները և կանխարգելիչ միջոցները միայն խորացնում են երեխայի բարոյական ու ֆիզիկական վիճակը, չէ՞ որ այնտեղ այնքան շատ վարակներ կան»,- գտնում է երեխայի հայրը:

2015թ. Հյուսթոնի կլինիկայի աշխատակազմը տագնապ է բարձրացրել, երբ պարզել է, որ Քրիստոֆերը քաղցկեղ և այլ հիվանդություններ չի ունեցել, ինչպես պնդել է Քեյլինը: Այն ժամանակ բժիշկները հարցում են ուղարկել տղայի հայրենի քաղաքի՝ Դալլասի, հիվանդանոց, որտեղ հաստատել են, որ դադարել են լսել նրա մորը սկանդալների ու ստահոդ հայտարարությունների շարքից հետո:

«Ես շատ անհանգստացած եմ, որ մայրը ախտանիշների չափազանցումից անցել է դրանց հաստատմանը: Եթե մայրը Քրիսին թունավորող նյութեր է տալիս թուլության կամ նոպաների առաջացման համար, որպեսզի առիթ լինի նրան հիվանդանոց տանելու համար, դա արդեն բռնություն է երեխայի հանդեպ»,- ասում է բժիշկ Սյուզաննա Դակիլը:

Ոստիկանությունն իր հետաքննությունն է անցկացնում, պարզվել է, որ Քրիստոֆերը բարեգործական կայքէջում էջ ունի: Նրանում ասվում է, որ նա հիվանդ է արտերիո-վենոզ մալֆորմացիայով: Հիվանդությունը սովորաբար բնածին է: Բայց Քրիստոֆերն իրականում ունի՞ այն, բժիշկները չգիտեն: Այնուամենայնիվ «բուժման» համար արդեն 8 հազար դոլար հավաքվել է…

Հետաքննության ժամանակ Քեյլինը գտնվում է Dallas County Jail բանտում, նրան արգելված է հանդիպել որդու հետ: Այժմ Քրիստոֆերն ապրում է հոր հետ և սնվում է ինքնուրույն՝ առանց արհեստական սնուցման սարքի:

Աղբյուր` Փաստինֆո