Փաստ ինֆո

ԱՄՆ-ի եւ Հարավային Կորեայի կողմից համատեղ անցկացվող ընդգրկուն զորավարժությունները եւ ամերիկացի պաշտոնյաների արած վերջին հայտարարություններն այն բանի վկայություններն են, որ Վաշինգտոնը պատրաստվում Է հարված հասցնել ԿԺԴՀ-ին: Այդ մասին, ինչպես տեղեկացնում Է «Արմենպրես»-ը, հայտարարել Է Հյուսիսային Կորեայի ԱԳ նախարարությունը:

Գերատեսչության պաշտոնական ներկայացուցչի տարածած հայտարարության մեջ ընդգծվում Է, որ «այդ թշնամական ռազմաշունչ հայտարարությունները չեն կարող դիտարկվել այլ կերպ, քան նախազգուշացում այն մասին, որ մենք պետք Է պատերազմի պատրաստվենք Կորեական թերակղզում»:

Դիվանագտեը նշել Է, որ «այժմ մնում Է միայն մեկ հարց՝ երբ Է սկսվելու պատերազմը»:

«Մենք պատերազմ չենք ցանկանում, բայց եւ չենք թաքնվելու դրանից»,- հավելել Է նա:

Դեկտեմբերի 4-ին մեկնարկել են ԱՄՆ-ի եւ Հարավային Կորեայի՝ պատմության մեջ խոշորագույն համատեղ ռազմաօդային վարժանքները, որոնց մասնակցում են հարյուրավոր ինքնաթիռներ: Զորավարժությունները դարձել են դաշնակիցների պատասխանը ԿԺԴՀ-ի կողմից միջմայրցամաքային բալիստիկ հրթիռի փորձարկմանը: Vigilant Ace անվանումը կրող վարժանքները կշարունակվեն հինգ օր:

Դրան մասնակցում են 200-ից ավելի ինքնաթիռներ, այդ թվում՝ ամերիկյան F-22 վեց կործանիչ, ինչպես նաեւ B-1B գերձայնային ռազմավարական ռմբակոծիչներ: Վարժանքներում գործի կդրվեն ԱՄՆ-ի 12 հազար զինծառայողներ:

Փենյանն ավելի վաղ այդ զորավարժությունները որակել Է «ԿԺԴՀ-ի դեմ ուղղված բացահայտ համապարփակ սադրանք, որը ցանկացած պահի կարող Է վերածվել միջուկային պատերազմի», եւ «գործողություն, որն արագացնում Է նրանց (ԱՄՆ-ի եւ Հարավային Կորեայի) ինքնաոչնչացումը»:

Նոյեմբերի 29-ի վաղ առավոտյան ԿԺԴՀ-ն ընդհատեց երկուսուկես ամիս ձգված լռությունը եւ իրականացրեց բալիստիկ հրթիռի հերթական արձակումը: ԱՄՆ-ի, Ճապոնիայի եւ Հարավային Կորեայի զինվորականների տվյալներով՝ նոր հրթիռը տեխնիկական բնութագրերով գերազանցում Է մինչ օրս Հյուսիսային Կորեայի կողմից փորձարկված բալիստիկ հրթիռներին, հաղորդել Է «Ինտերֆաքս»-ը:

Աղբյուր` Փաստինֆո