Փաստ ինֆո

Իսպանիայի Գերագույն դատարանը (ԳԴ) որոշել Է կալանքի տակ թողնել Կատալոնիայի նախկին փոխղեկավար Օրիոլ Ժունկերասին: Այդ մասին, ինչպես տեղեկացնում Է «Արմենպրես»-ը, ասված Է ատյանի՝ դեկտեմբերի 4-ին տարածված որոշման մեջ:

Դրանում նշվում Է, որ դատավոր Պաբլո Լյարենան որոշում Է ընդունել՝ «առանց գրավի կալանքի տակ վերցնելու «Ժունկերիսին, ինչպես նաեւ «ներքին գործերի հարցերով նախկին խորհրդական Ժոակիմ Ֆոռնին եւ Կատալոնիայի ազգային ասամբլեայի ու «Օմնիում կուլտուրալ»-ի (երկու կազմակերպություններն Էլ հանդես են գալիս թագավորության կազմից տարածաշրջանի դուրս գալու օգտին) առաջնորդներ Ժորդի Սանչեսին եւ Ժորդի Կուիշարտային»:

«Դատավորը գտնում Է, որ փախուստի վտանգ չկա, սակայն ուշադրության Է առնում հանցավոր ռեցիդիվի վտանգն այն չորս մարդկանց դեպքում, որոնց թողնում Է բանտում»,-նշվում Է որոշման մեջ:

Կաբինետի մյուս նախկին վեց անդամներին, որոնք կալանքի տակ են վերցվել նոյեմբերի 2-ին, թույլատրված Է ազատ արձակել 100 հազար եվրո գրավի դիմաց: Քաղաքական գործիչները դատարանում ցուցմունքներ են տվել դեկտեմբերի 1-ին:

Ժունկերասը խոստացել Է իր քաղաքական համոզմունքները պաշտպանել երկխոսության եւ բանակցությունների ճանապարհով եւ նշել Է, որ ցանկանում Է ազատություն ստանալ՝ դեկտեմբերի 21-ին տարածաշրջանում խորհրդարանական ընտրությունների նախաշեմին ընտրարշավին մասնակցելու համար:

Դատախազությունը կատալոնական կառավարության նախկին անդամներին մեղադրում Է ապստամբության, խռովության եւ վատնումների մեջ, հաղորդել Է ՏԱՍՍ-ը:

Աղբյուր` Փաստինֆո