ԲՈԼՈՐ ՆՅՈՒԹԵՐԸ
«Թող դատեն, ես քֆուրի տակ չեմ մնա»՝ դատապարտվեց ծառայակցի սպանության համար 11/30/2017 23:09 | Դատական ռեպորտաժներ
ՀՀ ՊՆ N զորամասի շարքային Ռազմիկ Խուդավերդյանը մեղավոր է ճանաչվել ՀՀ քրեական օրենսգրքի 104-րդ հոդվածի 1-ին մասով՝ սպանություն, և ՀՀ քրեական օրենսգրքի 38-361-րդ հոդվածի 1-ին մասով՝ զորամասն ինքնակամ թողնելուն օժանդակելը, և դատապարտվել 9 տարի 9 ամսվա ազատազրկման:
Իսկ զորամասի շարքային Նարեկ Խաչատրյանը մեղավոր է ճանաչվել ՀՀ քրեական օրենսգրքի 361-րդ հոդվածի 1-ին մասով՝ զորամասն ինքնակամ թողնելը, և դատապարտվել 3 ամսվա պայմանական կալանքի՝ 2 տարվա փորձաշրջանով:
Դատարանը հաստատված է համարել, որ 2016 թվականի հոկտեմբերի 7-ից Ռազմիկ Խուդավերդյանը և Վահագն Վիրաբյանն ու այլ զինծառայողներ մարտական հերթապահություն են իրականացրել մարտական դիրքում, նրանք հերթապահության գրաֆիկի համաձայն, ընդգրկված են եղել միևնույն հերթափոխում:
Հերթապահության 3-րդ օրից Վահագն Վիրաբյանը սահմանված կարգով չի կատարել դիտորդի պարտականությունները, այն է` քնել է, ինչի պատճառով Ռազմիկ Խուդավերդյանը բազմիցս դիտողություն է արել նրան:
2016 թվականի հոկտեմբերի 15-ին` ժամը 00:00-ից մինչև ժամը 03:00-ն, Վահագն Վիրաբյանը կրկին քնել է դիտորդի և կապավորի պարտականությունները կատարելիս: Նշված հանգամանքի վերաբերյալ Ռազմիկ Խուդավերդյանը տեղյակ է պահել դիրքի ավագին ու նրա օգնականին ու խնդրել փոխարինել Վահագն Վիրաբյանին մեկ այլ զինծառայողի հետ, սակայն նրանք մերժել են Ռազմիկ Խուդավերդյանի խնդրանքը, զրուցել են Վահագն Վիրաբյանի հետ, ով հավաստիացրել է, որ այլևս չի քնի:
2016 թվականի հոկտեմբերի 15-ին` ժամը 08:00-ի սահմաններում, Ռազմիկ Խուդավերդյանը և Վահագն Վիրաբյանը ստանձնել են առաջնագծի դիտորդի պարտականությունները: Այդ ժամանակ Վահագն Վիրաբյանն ասել է, որ Ռազմիկ Խուդավերդյանի կողմից իր քնելու վերաբերյալ դիրքի ավագին տեղյակ պահելը «լավ տղայի» քայլ չէ և որ գնան զորամաս նրա նկատմամբ վատ է վերաբերվելու` «գառլախելու է»:
Ռազմիկ Խուդավերդյանը նրան պատասխանել է, որ ոչ ոք չի կարող իր նկատմամբ այդպես վերաբերվել: Դրանից հետո Վահագն Վիրաբյանը հայհոյել է Ռազմիկ Խուդավերդյանին, վերջինս լսելով հայհոյանքը՝ բացել է իրեն ամրակցված «ԱԿ-74» տեսակի ինքնաձիգի ապահովիչը, դրել կրակահերթ դիրքի վրա, լիցքավորել, փողն ուղղել Վահագն Վիրաբյանի վրա և արձակել կրակահերթ, ինչի հետևանքով վերջինս մահացել է:
Դրանից հետո Ռազմիկ Խուդավերդյանը եկել է մարտական դիրքի գետնատնակի մոտ և զինծառայողների հարցին, թե ինչ է պատահել, պատասխանել է, որ «լաբավոյ խլեշա անում, բա չխփեի», «Վահագնը սրբությանս քֆուր ա արել, մագազինը պրծցրել եմ վրեն, ով էլ ըլներ` նույնը կաներ», «թող դատեն, ես քֆուրի տակ չեմ մնա»:
Դատարանը փաստել է, որ վրեժի էությունը չարիք պատճառողին «հատուցելու», նրան վնաս պատճառելու հոգեկան պահանջմունքն է: Նշված շարժառիթով սպանությունն իր մեջ ինքնադատաստանի տարրեր է պարունակում, քանի որ համապատասխան մարմիններին դիմելու փոխարեն հանցավորը ինքն է «պատժում» իրեն նեղացնողին, իսկ հոգեկան խիստ հուզմունքի դեպքում կատարված սպանության ժամանակ հանցավորը զրկված է իր արարքի հետևանքները խելամիտ և բազմակողմանի կշռադատելու հնարավորությունից:
Նշված հաստատված փաստական հանգամանքները վերլուծելով նշված մեկնաբանության լույսի ներքո, դատարանն արձանագրել է, որ Ռազմիկ Խուդավերդյանը սուբյեկտիվ կերպով է հասկացել Վահագն Վիրաբյանի կողմից արված արտահայտությունը, ինչից հետո իր սեփական «ես»-ը վեր դասելով մարդկային գերագույն արժեք հանդիսացող կյանքից` վրեժ լուծելու շարժառիթով, Վահագն Վիրաբյանին կյանքից զրկելու ուղղակի դիտավորությամբ, իրեն ամրակցված ինքնաձիգից կրակել ու սպանել է նրան:
Դատարանի նշված եզրահանգումը հաստատվում է նաև այն հանգամանքով, որ հանցագործությունը կատարելուց անմիջապես հետո Ռազմիկ Խուդավերդյանը խելամիտ և բազմակողմանի է կշռադատել իր նկատմամբ հնարավոր կիրառելի միջոցները` ասելով «թող դատեն»: Բացի այդ, նա հստակ գիտակցել է իր գործողությունների կատարումը և նախատեսել է, որ դրանց հետևանքով անխուսափելիորեն Վահագն Վիրաբյանին զրկում է կյանքից:
Գնահատելով քրեական գործով հաստատված փաստական հանգամանքները, դատարանը հաստատված է համարել, որ Ռազմիկ Խուդավերդյանը կատարել է հանցավոր արարքներ, որոնք նախատեսված են ՀՀ քրեական օրենսգրքի 104-րդ հոդվածի 1-ին մասով և ՀՀ քրեական օրենսգրքի 38-361-րդ հոդվածի 1-ին մասով և որակվում են որպես սպանություն` ապօրինաբար մեկ ուրիշին դիտավորությամբ կյանքից զրկել և երեք օրից ավելի, բայց մեկ ամսից ոչ ավելի տևողությամբ զինծառայողի կողմից զորամասը ինքնակամ թողնելուն օժանդակել: Իսկ Նարեկ Խաչատրյանը կատարել է հանցավոր արարք, որը նախատեսված է ՀՀ քրեական օրենսգրքի 361-րդ հոդվածի 1-ին մասով և որակվում է որպես երեք օրից ավելի, բայց մեկ ամսից ոչ ավելի տևողությամբ զինծառայողի կողմից զորամասը ինքնակամ թողնել:
Դատարանը որպես Ռազմիկ Խուդավերդյանի պատասխանատվությունն ու պատիժը մեղմացնող հանգամանքներ է գնահատել կատարած հանցագործությունների համար իրեն լիովին մեղավոր ճանաչելը, տուժողի հակաօրինական վարքագիծը, որով պայմանավորվել է նրա կողմից կատարված` ՀՀ քրեական օրենսգրքի 104-րդ հոդվածի 1-ին մասով նախատեսված հանցագործությունը:
Իսկ ամբաստանյալ Նարեկ Խաչատրյանի պատասխանատվությունն ու պատիժը մեղմացնող հանգամանք է դիտվել կատարած հանցագործության համար իրեն լիովին մեղավոր ճանաչելը, առաջին անգամ ոչ մեծ ծանրության հանցանք կատարելը:
Հարակից հրապարակումներ`
Տեսանյութեր
09/07/2024 08:59 Զինվորականների գույքի օրինականությունն ուսումնասիրվում էՏեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 09/14/2024 08:21 ՔՊ-ական արդարադատություն․ «Հրապարակ»
- 09/14/2024 08:17 Քրեական գործերի «տարափ» է սպասվում․ «Հրապարակ»
- 09/14/2024 08:15 Կրկին արարողակարգի խախտում. ինչպես է Մոսկվան ընդունել Գուրգեն Արսենյանին․ «Ժողովուրդ»
- 09/14/2024 08:12 Հարգանքի տուրք չմատուցեցին․ «Հրապարակ»
- 09/14/2024 08:08 Ինչու են լարվել Արարատ Միրզոյանի և Գուրգեն Արսենյանի հարաբերությունները․«Հրապարակ»
- 09/14/2024 08:05 Ռազմական ագրեսիայից անցել է 2 տարի. կյանքից զրկվածների ցուցակ իշխանությունները չեն հրապարակել․ «Ժողովուրդ»
- 09/14/2024 08:01 Քննչական կոմիտեն որոշում է կայացրել մեծ աղմուկ բարձրացրած 36 կգ ոսկու, 293 մլն ռուբլու հափշտակման գործով․ «Ժողովուրդ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 09/16/2024 13:35 Նախկինում Սրբազան աշխատած մարդու հետ պաշտոնական հանդիպում ՔՊ-ի օրակարգում չկա. Էմմա Պալյան
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
- 08/28/2024 17:49 «Միջանցքի» հարցում չպետք է շահագրգռված լինի հենց ՌԴ-ն. դա այն գինը չէ, որ արժե վճարել ռուս-ուկրաինական պատերազմում թուրք-ադրբեջանական իբր զսպվածության, բայց իրականում՝ պահանջատիրության դիմաց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
Մեկնաբանություն
- 09/16/2024 16:49 Ցանկացած ժամանակակից պետության, այդ թվում՝ Հայաստանի զարգացումն ու բարօրությունը անմիջականորեն կապված է նրա պատմական ժառանգության հետ. Անանյան
- 09/16/2024 15:47 Նարեկ Մալյանը մեկ տարվա ազատազրկումն ամբողջությամբ կրել է. օրենքի ուժով ազատ կարձակվի. Մելիքյան
- 09/16/2024 15:44 Դատարանը մերժել է Ալեն Սիմոնյանի հայցադիմումն ընդդեմ MediaHub.am-ի
- 09/16/2024 14:32 Լուսահոգի Արմեն Գրիգորյանի գործով վերաքննիչ բողոքների վերաբերյալ որոշումը կհրապարակվի այսօր
Արխիվ
Արտակարգ պատահարներ
- 09/16/2024 21:25 1 զոհ, 2 վիրավոր. ողբերգական ավտովթար՝ Նավուր-Թթուջուր ճանապարհին
- 09/16/2024 19:23 Արագածոտնի մարզում «ԳԱԶ 2410»-ը բախվել է գազատար խողովակներին, կոտրել դրանք ու գլխիվայր շրջվել. shamshyan.com
- 09/16/2024 10:23 Արտակարգ դեպք՝ Երևանում․ Գարեգին Նժդեհի հրապարակում կրակել են թիվ 42 երթուղու ավտոբուսի վրա. shamshyan.com
- 09/15/2024 21:44 Դիտակ գյուղի սկզբնամասում «Opel»-ը հայտնվել է ճամփեզրի դաշտամիջյան հատվածում և շրջվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 09/14/2024 18:58 Աշխարհի ամենաթերագնահատված երկիրը՝ ըստ փորձառու զբոսաշրջիկի
- 09/13/2024 21:08 Տղամարդու առնանդամը վերածվել է ոսկորի՝ հազվագյուտ հիվանդության պատճառով
- 09/13/2024 15:01 Ճնշում, գլխացավ, թուլություն. խրոնիկ հիվանդներին զգուշացնում են՝ այսօր և վաղը մագնիսական փոթորիկներ են սպասվում
- 09/12/2024 17:33 Մոռացված չիփպսի տոպրակը խախտել է արգելոցային քարանձավի էկոհամակարգը