Փաստ ինֆո

50-ամյա տղամարդը` տեղական թերթում կարդալով, որ նախկին եկեղեցական երաժիշտ Ջոն Հենդերսոնը իրեն մեղավոր է ճանաչել տասը հանցագործությունների կատարման մեջ՝ կապված 6-14 տարեկան երկու տղաների հանդեպ սեռական բռնության հետ, այլևս չէր կարողացել լռել:

Զոհը, ում անունը չի բացահայտվում, պատմել է, որ ինքը մոտ 10-ը տարեկան է եղել, երբ մեղադրյալն իրեն ցույց է տվել պոռնոգրաֆիական ամսագիր և խնդրել հանել շալվարը, հաղորդում է Metro-ն:

Ըստ տուժողի, 1970-ական թվականներին Ջոնն իրեն խաբեությամբ ծուղակն է գցել, տարել առանձին շինություն, որտեղ էլ իրագործել է իր կեղտոտ ֆանտազիաները: Դրանից հետո նա կտրել է երեխայի մազափունջը՝ որպես հաղթանշան: Նա դա կրկնել է նաև մյուս երկու զոհերի հետ: Հենդերսոնի ձեռքից տուժածը հետո իրեն կեղտոտ է զգացել և զզվանք զգացել իր մարմնի նկատմամբ, ինչի պատճառով նա մինչև օրս տառապում է հոգեկան խանգարումով:

Մյուս զոհերը պատմել են, որ Հենդերսոնը կրում էր ընդգրկող շորտեր՝ առանց ներքնազգեստի: Տղամարդը երեխաների համար նվերներ էր գնում, որից հետո նրանց սեքսի էր հակում: Տուժողներից մեկը պնդում է, որ դրանից հետո նա «նստել է թմրանյութերի վրա», թողել դպրոցը և ամբողջ կյանքում հակադեպրեսանտներ է ընդունում:

Հենդերսոնի փաստաբանը պատմել է, որ իր պաշտպանյալի մոտ հոգեկան խնդիրներ են ծագել իր հոր մահվանից հետո, ով Յորքի տաճարում երգեհոնահար ու երգչախմբի ղեկավար է եղել: Ըստ պաշտպանության կողմի, տղամարդը հեռացված է եղել արտաքին աշխարհից՝ ընտանիքը կորցնելուց հետո: Իր տանը նա հավաքում էր տարբեր երաժշտական գործիքներ և որևէ հանցագործություն չի կատարել հետագա 13 տարվա ընթացքում:

Հենդերսոնին դատապարտել են ութ տարվա բանտարկության: Հանցագործություններ կատարելու պահին նա եղել է մոտ 20 տարեկան:

Աղբյուր` Փաստինֆո