Փաստ ինֆո

Նախկին կինը սպանել է բրիտանացի գործարարին վեճի ժամանակ, որին միջամտել է նաև տղամարդու նոր սիրած կինը: Ընդ որում, ամուսնալուծված ամուսիններին չի շփոթեցրել այն հանգամանքը, որ այդ ժամանակ բնակարանում քնած են եղել նրանց երկու երեխաները, և սկանդալը միայն ծավալվել է: Արդյունքում Վեյ-Վեյ Ֆուն դանակը խրել է 34-ամյա Մայքլ Սիմփսոնի կոկորդը, որից հետո ձեռքի վնասվածք հասցրել նրա նոր սիրած կնոջը՝ Ռեյչել Լինին, ով այժմ կրիտիկական վիճակում է, հաղորդում է Daily Mail-ը:

Շանհայում որպես օպերացիոն մենեջեր աշխատող Մայքլը մահացել է հարված հասցնելուց երկու րոպե անց: Ընդ որում, տղամարդու մոտ որևէ ինքնապաշտպանական վերքեր չեն եղել, ինչը խոսում է այն մասին, որ հարձակումը հանկարծակի է եղել:

Առաջին լսումները տեղի կունենան հաջորդ շաբաթ: Վեյ-Վեյին կարող է սպառնալ մինչև 50 տարվա բանտարկություն: Զոհվածի երեխաներն այժմ գտնվում են նախկին կնոջ ծնողների մոտ: Մայքլի ընտանիքը չի տեսել յոթամյա Ջեկին և չորսամյա Ալիսային մարտից ի վեր, այդ պատճառով մտադիր է պայքարել խնամակալության իրավունքի ու փոքրիկներին Անգլիա տանելու համար:

Մայքլը բնակվում էր Չինաստանում 2009թ.-ից, որտեղ նա տեղափոխվել էր աշխատանքի բերումով: Այստեղ էլ նա ծանոթացել էր Վեյ-Վեյի հետ, ով խանութում որպես օգնական էր աշխատում: Շուտով նրանք ամուսնացել էին և լույս աշխարհ էին եկել նրանց սքանչելի երկու երեխաները: Սակայն ընտանեկան երանելի վիճակը երկար չի տևել, և զույգը բաժանվել է 2015թ.: Ինչ-որ ժամանակ անց Մայքլը նոր հարաբերություններ էր սկսել: Ողբերգության գիշերը Վեյ-Վեյն եկել էր ամուսնու բնակարան երկու ընկերների ընկերակցությամբ՝ հարաբերություններ պարզելու:

Աղբյուր` Փաստինֆո