Փաստ ինֆո

Ռիհաննան, Քիմ Քարդաշյանն ու Կարա Դելեվինը հանդես են եկել դեռևս 2006թ. հաճախորդի սպանության համար ցմահ ազատազրկման դատապարտված 29-ամյա Սինտոյյա Բրաունին ազատ արձակելու պահանջով: Աստղերի դիմումը դարձել է նախկին մարմնավաճառուհուն ազատ արձակելուն նվիրված ֆլեշմոբի մասը, հաղորդում է Mirror-ը:

Սինտոյյա Բրաունը հայտնվել է ճաղերի հետևում 2004թ.՝ 16-ամյա աղջկան մեղադրել են հաճախորդ Ջոն Ալլենի սպանության համար: Նախկին զինվորականը բազմիցս Սինտոյյային բռնաբարել է, հաղորդվում է, որ տղամարդը կավատից հետ էր գնել աղջկան անձնական օգտագործման համար: Ինչ-որ պահի աղջիկը տեղի ունեցողին չի դիմացել և մշտապես պայուսակում կրող ատրճանակով սպանել է իրեն տանջողին:

Իրադարձությունների հենց այդ վարկածն է նախկին մարմնավաճառուհին հնչեցրել դատարանում, սակայն քննությունն ունեցել է իրադարձությունների սեփական վարկածը: Բրաունը բանտարկվել է առաջին աստիճանի սպանության, կողոպուտի և ծանրացուցիչ հանգամանքներում մարմնավաճառության համար: Ներկա դրությամբ աղջիկը բանտում անց է կացրել արդեն 13 տարի, և այժմ նրա ճակատագրով հետաքրքրվել է ցանցային հանրությունը:

#freecintoiabrown հեշթեգով ֆլեշմոբին մասնակցել են աստղերը: Կարա Դելեվինը և Ռիհաննան Ինստագրամում տեղադրել են մատղաշ հանցագործ աղջկա լուսանկարը, Քիմ Քարդաշյանը երկրապագուներին է դիմել Թվիթերի միջոցով: Առայժմ նշանավոր անձանց ջանքերն արդյունք չեն տվել, աղջիկը շարունակում է մնալ ճաղերի հետևում:

«Համակարգը անհաջողության է մատնվել: Սիրտս կտոր-կտոր է լինում, երբ տեսնում եմ, թե ինչպես են մատղաշ աղջկան սեքսուալ բռնության ենթարկում, իսկ հետո բանտ նստեցնում դիմադրությա՛ն համար: Երեկ ես զանգահարել եմ իմ փաստաբաններին, որպեսզի իմանամ ինչ կարելի է անել, որպեսզի դա շտկել»,- ասում է Քիմ Քարդաշյանը:

Աղբյուր` Փաստինֆո