Փաստ ինֆո

Հոգեկան առողջությունը կարելի է բարելավել ամենօրյա ոչ մեծ սովորություններով: Դրանք կարող են ազդել տրամադրության վրա և երջանկացնել: Time պարբերականը նկարագրել է մի քանի պարզ քայլեր, որոնք օրըստօրե բարելավում են հոգեկան առողջությունը:

Զգաստ քայլեք

Հետազոտությունը ցույց է տվել, որ երբ ձեր գլուխն ու մեջքն ուղիղ են, դուք լավագույն տրամադրություն կունենաք: Եթե դուք կորանում եք, դուք առավել հակված եք կենտրոնանալ բացասականի և ոչ թե դրական պահերի վրա:

Դադարեք ամեն ինչ լուսանկարել

Դուք կարող եք համարել, որ լուսանկարումը ստիպում է ձեզ ավելի լավ հիշել այս կամ այն իրադարձությունը, սակայն հետազոտությունը, որը հրատարակվել է Psychological Science-ում, այլ բանի մասին է ասում: Եթե դուք այնուամենայնիվ ցանկանում եք լուսանկարել ճաշը, ուշադրություն դարձրեք, թե դուք հատկապես ինչի վրա եք կենտրոնացած:

Եղեք ակտիվ

Հետազոտության տվյալներով, շաբաթական երեք անգամ մարզումները 19%-ով իջեցնում են դեպրեսիայի զարգացման ռիսկը: Գիտնականները հայտնաբերել են, որ ակտիվ մարդիկ այդ հիվանդությանն ավելի քիչ են հակված:

Մի հետաձգեք գործերը

Որքան ավելի երկար ժամանակով դուք հետաձգեք խնդիրները, այնքան ավելի շատ դա սթրեսի կհանգեցնի: Հավաքվեք և ձեր գործերը ավարտին հասցրեք:

Խզեք տոկսիկ հարաբերությունները

Եթե դուք հարաբերություններ ունեք մի մարդու հետ, ով մշտապես ճնշում է ձեզ, դա կարող է էապես ազդել ինքնագնահատականի վրա: Մտածեք, արժե՞, արդյոք, շարունակել այդ հարաբերությունները:

Ավելի շատ քնեք

Ձեր մարմինը չի կարող նորմալ գործել, եթե դուք բավականաչափ չեք քնում:

Ժամանակ գտեք ձեզ համար

Երբ դուք ժամանակ եք հատկացնում ընկերներին, ընտանիքին ու աշխատանքին, դա կարող է նշանակել, որ դուք անտեսում եք ձեզ ու երբեք ժամանակ չունեք ձեզ համար: Մենակ մնացեք ու ձեզ համար ինչ-որ բան արեք, քանի որ դա օգնում է կանխել տագնապալի վիճակն ու դեպրեսիան:

Ժամանակ մի վատնեք գաջեթների վրա

Սմարթֆոնները, պլանշետները և նոութբուքները կարող են ծանրաբեռնել ձեր ուղեղը և եթե դուք երբեք դրանք մի կողմ չեք դնում, ձեր հոգեկան առողջությունը նորմայի մեջ չի լինի: Արեք մինի-թվային դետոքս ամեն շաբաթ, անգամ կես օրով կամ երկու ժամով:

Հրաժարվեք բազմախնդրությունից

Լանչը էլեկտրոնային նամակներ ուղարկելու ժամանակ կարող է ոչ չափազանց վտանգավոր թվալ, սակայն բազմախնդրությունը իսկապես ավելացնում է սթրեսը: 
Հիշեցնենք, որ դեպրեսիայի դրսևորումները շատ բազմազան են և ձևափոխվում են կախված հիվանդության տեսակից: Այնուամենայնիվ գոյություն ունեն ընդհանուր մի քանի հոգեբանական հատկանիշներ, որոնք դուք երբեք չպետք է անտեսեք:

Աղբյուր` Փաստինֆո