Փաստ ինֆո

Նախկին օդաչուն դատապարտվել է ցմահ ազատազրկման չորսամյա որդու սպանության համար, ում հետ նա ծանոթացել էր ողբերգությունից մի քանի օր առաջ: Ատենակալները համարել են, որ չնայած այն բանին, որ 29-ամյա Ջերեմի Դեոնթ Ռալֆը չէր ցանկացել սպանել փոքրիկին, նրա գործողությունները գիտակցված են եղել, հաղորդում է People-ը:

Սպանությունը տեղի է ունեցել 2016թ. դեկտեմբերին: Ջերեմին ինքն է զանգահարել 911, հաղորդելով, որ տղան քնած ժամանակ խեղդվել է լոգախցիկում: Տղամարդը պատմել է, որ մինչև այդ ինքը քնաբեր է ընդունել, ինչի պատճառով չի կարողացել հոգ տանել երեխայի մասին: Սակայն երբ փրկության ծառայությունը ժամանել է Կոլորադոյի իրենց տուն, տեսել է, որ լոգախցիկը բացարձակապես չոր է, իսկ զոհը պառկած է եղել հյուրասենյակում: Ջերեմին հոգ էր տանում երեխայի մասին, քանի դեռ նրա մայրը աշխատում էր:

Ոստիկանները գտել են նաև զոհվածի արյան հետքեր՝ ամբողջ բնակարանով մեկ: Բացի այդ, տղայի մարմնին եղել են կյանքի հետ անհամատեղելի վնասվածքներ: Ավելի ուշ քննությունը պարզել է, որ երեխան մահացել է բութ առարկայով հասցված վնասվածքից, նրա պարանոցին եղել են նաև խեղդելու հետքեր:

Ջերեմին փորձել է թաքցնել սպանության հետքերը, որդու իրերը գցելով լվացքի մեքենայի մեջ:

Ջերեմին իմացել է, որ ինքը որդի ունի 2014թ. և միայն երկու տարի անց նա հանդիպել է երեխայի հետ: Սակայն արդեն շփման մեկ ամսվա ընթացքում տղամարդը սկսել է տղայի վրա ձեռք բարձրացնել: Դատարանում պարզվել է նաև, որ նիստերից մեկից հետո Ջերեմին բանտից զանգահարել է իր ընկերոջը և կատակել՝ մամայի բալիկները մեկով պակասել են:

Աղբյուր` Փաստինֆո