Փաստ ինֆո

Նախկին պրոֆեսիոնալ ֆուտբոլիստը կտրել է իր կնոջ կոկորդը, ապա սողացել բակ ու սկսել ձյունե հրեշտակ սարքել այն պահին, երբ ժամանել է ոստիկանությունը: Դատելով լեռնադահուկային Պարկ-Սիթի փոքրիկ քաղաքում տնով մեկ արյան հետքերից, 28-ամյա Քերի Մակլանահանը մինչև վերջ պայքարել է իր կյանքի համար մինչև այն պահը, երբ նրան սպանել է նրա սեփական ամուսինը, հաղորդում է New York Post-ը:

46-ամյա Էնտոնին ամբողջությամբ արյան մեջ ու փորի վրա պառկած է եղել, երբ նրան գտել են սպաները: Ըստ նրանց, տղամարդը կարողացել է կարճ ժամանակով բարձրանալ, հետո ընկել է: «Նրա ձեռքերը շարժվում էին ձյունե հրեշտակի պես»,- ասել է ոստիկաններից մեկը: Սկզբնապես Էնտոնին հայտարարել է, որ իր ընտանիքի վրա հարձակվել են, սակայն քննիչները չեն գտել այդ վարկածի ապացույցներ: Զոհված կնոջ մարմնին բժիշկները արձանագրել են բազմաթիվ վերքեր՝ առջևից, հետևից, վզի կողմերին:

Անցյալ ամիս ամուսինը՝ Մակլանահանը, քրեական պատասխանատվության է ենթարկվել նախորդ ամուսնությունից իր ութամյա որդու առևանգման համար և վերջերս ազատ է արձակվել բանտից: Դրանից հետո Քերին որոշել է օգնել ամուսնուն, և նրանք սարերում տնակ են վարձակալել: Ըստ նրանց ընկերների, Քերին պատրաստվում էր ամուսնալուծվել ամուսնուց, սակայն սպասում էր մինչև նա ոտքի կանգնի:

Քերին ու Էնտոնին ծանոթացել են անցյալ տարի, երբ վերջինս աշխատում էր կնոջ հայրենի քաղաքում՝ Բելլինգհեմում, Վաշինգտոն, որպես անձնական մարզիչ: Հարսանիքից հետո նրանք տեղափոխվել էին Արիզոնա, որտեղ օգնում էին ջրհեղեղից տուժածներին: Սակայն շուտով Էնտոնին սկսել է խանդել կնոջը՝ ամեն օր սկանդալներ սարքելով, և ի վերջո, ձեռք է բարձրացրել նրա վրա: Քերին վերադարձել է հայրենի քաղաք, իսկ մարզիկը նրան հանգիստ չէր թողնում և խնդրում էր վերադառնալ: Ըստ մեղադրյալի, ամերիկյան ֆուտբոլում իր կարիերայից հետո իր մոտ մնացել է գլխի լուրջ վնասվածք:

Աղբյուր` Փաստինֆո