Փաստ ինֆո

34-ամյա Քրիստոֆեր Թակերն սպանել է իր 19-ամյա սիրելիին` ամուսնության առաջարկը մերժելու համար: Ողբերգությունը տեղի է ունեցել ԱՄՆ-ի Փենսիլվանիա նահանգում` տան մեջ: Խանդոտ տղամարդը նախ խեղդամահ է արել, ապա հանել աչքերը, իսկ հետո` կացնով մասնատել:

19-ամյա Թամարան դավաճանել է տղամարդուն: Թեեւ ամերիկյան լրատվամիջոցները նշում են, որ դժվար է աղջկան կասկածել թեթեւաբարո կյանքով ապրելու մեջ. ծնողները նրան շատ են սիրել եւ ծանոթ են եղել Քրիստոֆերի հետ:

Հելոունի նախորդ օրը Քրիստոֆերը աղջկան վերցրել է տանից` խոստանալով նրան շատ չուշացնել: Հաջորդ օրն առավոտյան, Քրիստոֆերից որեւէ տեղեկություն չունենալով դստեր մասին, հայրը փորձել է հեռախոսակապ հաստատել աղջկա հետ, բայց չի հաջողվել:

Նա գնացել է ապագա փեսայի տուն, որտեղ եղել է միայն վերջինիս հայրը, ով տեղեկացրել է, որ Քրիստոֆերին կանգնեցրել են Իլինոյս նահանգում` բեռնատարի ղեկին, ոչ ադեկվատ վիճակում, բայց նրա հետ ոչ ոք չի եղել: Ավելի ուշ` բեռնատարի խուզարկությամբ հայտնաբերվել է աղջկա մասնատված դին:

Քրիստոֆերը խոստովանել է, որ նախօրեին Թամարային ամուսնության առաջարկություն է արել, բայց նա մերժել է` հայտարարելով, որ քնում է ուրիշի հետ: Տղամարդու խոսքերով` աղջիկն է առաջարկել սպանել իրեն: Կատակը դարձել է դաժան իրականություն:

Հարցաքննության ժամանակ «Օթելլոն» պատմել է, թե ինչպես է խեղդամահ արել իր սիրեցյալին, ապա հանել աչքերը, որից հետո կտրել է գլուխը, ապա մարմնի մյուս հատվածները: Մարմնի մասերը փաթաթել է գորգով եւ դրել բեռնատարի մեջ` ցանկանալով թաքնվելու համար հեռանալ այլ նահանգ, բայց ճանապարհին ոստիկանները կանգնեցրել են:

Նրան սպասվում են դատական լսումներ` առանձնակի դաժանությամբ սպանության համար:

Աղբյուր` Փաստինֆո