Փաստ ինֆո

 24-ամյա Զախարի Այզեքսը Մեծ Բրիտանիայից երազում էր այցելել Կալիֆորնիայից իր հարսնացուին, սակայն չի կարողացել փող գտնել ուղևորության համար: Երբ սիրահարը հասկացել է, որ ժամադրությունը չի կայանալու, նա փորագրել է հարսնացուի անունն իր ձեռքին և ինքնասպան եղել, հաղորդում է Daily Mail-ը:

Զախարի Այզեքսը ծանոթացել է Ռենե Ալիսա Բայերի հետ ԱՄՆ-ում արձակուրդի ժամանակ և տուն վերադառնալուց հետո շարունակել է շփվել նրա հետ Ցանցում: Տղան երազում էր նորից մեկնել սիրած աղջկա մոտ, սակայն չէին բավականացնում խնայողությունները: Զախարին խնդրանքով դիմել է իր մորը, ով կարողացել է նրան տալ միայն 50 ֆունտ: Այդ ժամանակ սիրահարը փորձել է ստիպել մորը վճարել իր թռիչքի համար, սակայն կինը պարզապես ավելորդ փողեր չուներ:

Ինքնասպանությունից ոչ շատ ժամանակ առաջ Զախարին մորը հրաժեշտի հաղորդագրություն է գրել: Նա հայտնել է, որ կգնա նոյեմբերին և որ նա այլևս երբեք հարկադրված չի լինի իրեն տեսնել: Բացի այդ, երիտասարդը բողոքել է, որ չի հաղթահարում ստեղծված իրավիճակը:

««Իր վերջին հաղորդագրության մեջ նա գրել է. «Ես չեմ կարողանում հաղթահարել»: Ես ասացի, որ սիրում եմ իրեն, սակայն դրանում օգնության ճիչ չտեսա»»,- ասել է Կլեր Այզեքսը՝ Զախարիի մայրը:

Զախարիի մարմինը հայտնաբերել է նրա հայրը իրենց ընդհանուր տանը ինքնասպանությունից մի քանի ժամ անց: Զախարիի ձեռքին փորագրված էր երկու անուն՝ իր սեփականը և սիրած աղջկանը, ում հետ նա այդպես էլ չէր կարողացել հանդիպել: Հեմփշիր կոմսության՝ մահվան հանգամանքները քննող պաշտոնյա Էնդրյու Բրեդլին նշել է, որ ծնողներն ամեն դեպքում չէին կարողանա ազդել որդու որոշման վրա, որովհետև ինքնասպանությունը երբեք չի դառնում քննարկման թեմա ընտանեկան սեղանի շուրջ:

Աղբյուր` Փաստինֆո