Փաստ ինֆո

Թերեզան և Քրիստոֆերը ամուսնացած էին 10-ը տարի, մինչև որ սովորական մի օր 44-ամյա ուսուցչուհին կորավ:

Թերեզա Լոքհարթը ծանոթացել էր իր ապագա ամուսին Քրիստոֆերի հետ 2006թ. ծանոթությունների կայքէջի միջոցով: Նրանց հարաբերություններն այնքան սրընթաց էին զարգանում, որ արդեն հաջորդ տարի սիրահար զույգն ամուսնացավ: Նրանք ձեռք-ձեռքի տված ապրեցին համարյա տասը տարի, մինչև որ սովորական մի օր Թերեզան անհետ կորավ, հաղորդում է People-ը:

Իսպաներենի 44-ամյա ուսուցչուհին երկու օր չէր գնացել աշխատանքի, որից հետո գործընկերները տագնապ էին բարձրացրել: Սակայն նա ամուսինը սառնասրտություն էր պահպանում. նա չէր օգնում ոստիկանության հետաքննությանը, թույլ չէր տվել առանց թույլտվության խուզարկություն անցկացնել իրենց տանը: Երբ տեղի ունեցածի մասին իմացել էր Թերեզայի քույրը, նա անմիջապես զանգահարել էր Քրիստոֆերին:

«Նա շատ դժկամությամբ էր ինձ հետ խոսում: Եթե անկեղծ ասեմ, նա շատ անտարբեր էր: Քրիստոֆերը որոշակիորեն նման չէր սիրող ամուսնու, ում կինն անհետ կորել է»,- ասել է Թերեզայի քույրը:

Թերեզային վերջինը տեսել էր նրա նախկին համակուրսեցի Ջեն Ցիմմերմանը: Ըստ նրա, իր ընկերուհին որոշ խնդիրներ ուներ Քրիստոֆերի հետ, որի վրա նրանք աշխատում էին:

Թերեզայի գտնվելու վայրի մասին հայտնի էր դարձել կորելուց միայն հինգ ամիս անց, երբ 47-ամյա Քրիստոֆերը ինքնասպան էր եղել Միչիգանի իրենց տան նկուղում: Նա նախամահյան գրություն էր թողել, որում խոստավանել էր, որ սպանել է կնոջը և քարտեզ նկարել, թե ինչպես հասնել թաքցված կնոջ մարմնին: Նամակում տղամարդը գրել էր, որ զղջում է կատարածի համար և ներողություն խնդրում, պատմելով, որ սպանությանը օրը վիճաբանել է Թերեզայի հետ:

Աղբյուր` Փաստինֆո