Փաստ ինֆո

Հինգ երեխայի ծնողներ, 37-ամյա Օլիվեր և Ջեսսիկա Շնայդերները Բավարիայից մեղադրվում են սեփական հինգամյա որդու նկատմամբ բռնություններ կատարելու համար: Տղան խանգարում էր ծնողներին սեքս-զուգընկերներ փնտրել Ցանցում, այդ պատճառով նրանք նրա վրա բենզին են լցրել ու հրկիզել: Տեղի ունեցածի մասին հայտնի է դարձել միայն մի քանի օր անց, հաղորդում է Daily Mail-ը:

Երեխայի մարմնին սարսափելի վերքերը նկատել է վաճառողուհին, երբ Ջեսսիկան՝ որդու հետ, գնացել է մթերք գնելու: Նա էլ տեղի ունեցածի մասին պատմել է ոստիկանությանը: Քննիչները հարցման են ենթարկել զույգի մնացած երեխաներին և պարզել, որ որդու նկատմամբ բռնություններից հետո զույգը վերադարձել է Ցանցում սեքսուալ զուգընկերների փնտրտուքին:

«Սեքսը միակ բանն էր, որ նրանց հետաքրքրում էր», - հայտնել է Օլիվեր ու Ջեսսիկա Շնայդերների 11-ամյա դուստրը:

Այրված երեխան մի քանի օրվա ընթացքում օգնություն չի ստացել: Այդ ամբողջ ժամանակ տղան պարբերաբար լաց էր լինում, իսկ նրա մաշկի վերքերից արյուն էր հոսում, սակայն դա չէր անհանգստացնում նրա ծնողներին: Ներկա դրությամբ երեխան մի քանի վիրահատություն է տարել, սակայն նա երբեք չի կարողանա օգտվել մի ձեռքից:

Կալանավորման ժամանակ Ջեսսիկա Շնայդերը պահանջել է ոստիկանությունից թույլ տալ իրեն պաշտոնական հայտարարություն անել յոգայի առանձնահատկությունների մասին: Ներկայումս կինը հոգեբուժական կլինիկայում է, իսկ նրա ամուսինը՝ դատին է սպասում բանտում, նրան սպառնում է ցմահ ազատազրկում:

Աղբյուր` Փաստինֆո