Փաստ ինֆո

56-ամյա Դեբորա Ադամսն սկսել է հետեւել ամուսնուն, երբ տան հասցեով ստացվել է Holiday Inn հյուրանոցային ցանցի մշտական հաճախորդի  քարտը։ Կինն սեփական հետաքննությունն է անցկացրել, որի արդյունքում պարզել է, որ ամուսինը՝ 65-ամյա Ջեեֆրի Մուլքրիսթոնը, 5 տարվա ընթացքում օգտվել է 200 մարմնավաճառի ծառայություններից։ Daily Mail -ի փոխանցմամբ՝ այդ մասին է վկայել տղամարդու նոութբուքի գաղտնի թղթապանակը։

Հետագա երկու ամիսներին՝ մենակության մեջ, Դեբորան գրոհել է իր նախկինին՝ հազարից ավելի հաղորդագրություններով, որոնցում մեծամասամբ հետաքրքրվել է, թե ինչու է մարմնավաճառն օգտագործել իր սեքս-խաղալիքներից մեկը։ Մեկ ուրիշ հաղորդագրության մեջ էլ գրել է «Ես շատ, շատ, շատ չարացած եմ։ Դու քաղաքի ամենագլխավոր այլասերվածն ես»։

Վիրավորական հաղորդագրությունների վերաբերյալ դատարանի հարցերին պատասխանելիս՝ Դեբորան ասել է. «Եթե ցանկանայի նրան ցավ պատճառել, ապա կկտրեի նրա ամորձիները եւ կկրեի որպես ականջօղեր»։ Կնոջն արգելվել է մոտենալ նախկին ամուսնուն եւ նրան հաղորդագրություն ուղարկել, սակայն դա նրան չի կանգնեցրել։

Իրեն արդարացնելու համա՚՝ Ջեֆրին հայտարարել է, որ թե երբեք չգիտեր ինչ սպասել կնոջից՝ վերջինիս անվանելով վայրի քարտ։ Բայց տղամարդու հաբերությունը հատել է, երբ Դեբորան բարկության պահին նրա վրա նետել է շան կեղտը։ Բացի այդ՝ տղամարդու գործընկերներից մեկին ուղարկել է նրա մերկ լուսանկարները։

Նշվում է, որ դատավորը հավատացել է Դեբորին, երբ նա դատական նիստում  խոստացավ, որ այլեւս նման բան չի կրկնվի եւ ազատազրկման փոխարեն նրան դատապարտել է 150 ժամ հասարակական աշխատանքների, ինչպես նաեւ եւս մեկ որոշում կայացրել՝ արգելելով որեւէ ձեւով հաղորդակցվել նախկին ամուսնու հետ։ Բարոյական վնասի հատուցում Դեբորան չի վճարի, քանի որ նախկին ամուսիններն առ այսօր շարունակում են համատեղ օգտագործել գույքը։

Աղբյուր` Փաստինֆո