Փաստ ինֆո

Կինոբեմադրիչը պատմել է, թե ինչպես է իր կյանքը կործանվել այն բանից հետո, երբ երեկույթի ժամանակ հարբած կինն իրեն բռնաբարել է: Ըստ Ֆրենկ Մաքհոուենի, ինքը փորձում էր ինքնասպան լինել և Շերիլ Քոթթրելլի ահավոր հարձակման պատճառով հետտրավմատիկ սթրեսային խանգարում է ստացել, ըստ life.ru-ի հաղորդում է Mirror-ը:

Ֆրենկը Գլազգոյում տնային երեկույթում է գտնվել, երբ Շերիլը սկզբից փորձել է գայթկղել իրեն, իսկ հետո սկսել է վիրավորել տղամարդուն՝ իմանալով, որ նա գեյ է: Ֆրենկը ցանկանում էր հեռանալ անզուսպ կնոջից, սակայն նա չէր հանձնվում:

«Երբեմն ես չեմ կարողանում անկողնուց վեր կենալ, քանի մինչև այժմ վախով եմ պատված: Երբ վեր եմ կենում, սկսում եմ անզուսպ հեկեկալ: Ես դեռևս ինձ դատարկ եմ զգում: Ինձ թվում էր, որ ես աշխարհում միակ տղան եմ, ով այդպիսի զզվելի բռնություն է տարել»,- ասում է Ֆ.Մաքհոուենը:

Ըստ տուժողի, ինքը խոհանոց է գնացել՝ մեկ բաժակ ջուր խմելու, և Շերիլը գնացել է իր հետևից: Նա ինտիմ մանրամասներ էր հարցնում իր զուգընկերոջ մասին և շարունակում սեքսի ակնարկներ անել, որից հետո հարձակվել է վախեցած Ֆրենկի վրա:

«Ես պարզապես ցանկանում էի հեռանալ և խնդրեցի նրան հետ քաշվել: Նա զայրանում էր: Ինչ-որ բան ընկավ դարակից, և ես կռացա, որպեսզի այն բարձրացնեմ, այդ պահին նա հարձակվեց ինձ վրա և իմ մեջ մտցրեց իր մատները: Ես կարծես թե քարացա և չէի կարողանում հավատալ տեղի ունեցածին: Ես արյունաքամ էի լինում»,- պատմել է Մաքհոուենը:

Ֆրենկը երկար ժամանակ ստիպված է եղել պայքարել արդարության համար, և ի վերջո Շերիլին մեղավոր են ճանաչել: Նրան ընդգրկել են սեքսուալ հանցագործների ռեեստրի մեջ և դատապարտել 120 ժամվա հասարակական աշխատանքների: Սակայն զոհի կարծիքով, պատիժը բավարար խիստ չէ: Վերապրածի պատճառով տղամարդը բաժանվել է իր զուգընկերոջից, մշտապես տառապում է ծաղրուծանակից, դրանց պատճառով ինքը ստիպված էր հեռանալ տնից:

Հույս ունեմ, որ այն բանից հետո, ինչ ես կիսվեցի նրանով, ինչի միջով անցել եմ, այլ մարդիկ, այնպիսիք, ինչպես ես, իրենց միայնակ չեն զգա: Ես դրան արժանի չէի և հիմա զգում եմ, որ պարտավոր եմ օգնել մարդկանց, ասում է Մաքհոուենը:

Աղբյուր` Փաստինֆո