Փաստ ինֆո

Լաս Վեգասի ոստիկանությունը հայտարարել է, որ հարյուրավոր հանգամանքներ է ուսումնասիրել, որոնք կարող էին լույս սփռել Լաս Վեգասում 58 մարդ սպանած և ինքնասպան եղած Սթիվեն Պադդոկի դրդապատճառների վրա, սակայն այդպես էլ չի կարողացել դա պարզել:

«Մենք ուսումնասիրել ենք բառացիորեն ամեն ինչ՝ կասկածյալի անձնական կյանքը, նրա սոցիալական ակտիվությունը, քաղաքական աշխարհայացքը, ֆինանսական վիճակը և անգամ ռադիկալների հետ հնարավոր կապերը, ինչի մասին այդքան շատ էր խոսվում»,- հայտարարել է Լաս Վեգասի շերիֆի տեղակալ Քեվին Մաքմեհիլլը:

Այդուհանդերձ, գրում է BBC-ի ռուսական ծառայությունը, ոստիկանությունն առայժմ այդպես էլ չի կարողացել հասկանալ, թե ինչու է ունևոր թոշակառուն գնացել այդ հանցագործությանը:

Ի՞նչ մենք չգիտենք անգամ այժմ, ԱՄՆ պատմության մեջ ամենաարյունահեղ զանգվածային սպանությունից համարյա մեկ շաբաթ անց, հարց է տալիս լրատվամիջոցը:

Լաս Վեգասի շերիֆ Ջոզեֆ Լոմբարդոն հայտարարել է, որ այժմ ոստիկանությունն ուսումնասիրում է համակարգչի և ևս մի քանի գաջեթների պարունակությունը՝ դրանք հայտնաբերվել են հյուրանոցային համարում, որտեղից Պադդոկը կրակել է քանթրի երաժշտության փառատոնի այցելուների վրա:

Նույն այդ համարից ոստիկանությունը գտել է գրություն՝ ինչ-ինչ թվերով, սակայն քննիչները չեն հայտնում, թե հատկապես ինչ են դրանք նշանակում: Հայտնի է միայն, որ նրանք այդ թուղթը չեն համարում մահից առաջ գրություն, ոչ էլ մանիֆեստ այն կարգի, որոնք երբեմն գրում են զանգվածային սպանություններ կատարած անձինք:

Բացի այդ, ոստիկանությունը խուզարկություն է կատարել երկու տներում, որտեղ ապրել է կասկածյալը և այնտեղից վերցրել իրեր, որոնք, ինչպես համարում է, կարող են օգնել հրաձիգի դրդապատճառները պարզելուն: Սակայն ոստիկանությունը մանրամասն տեղեկություն չի տալիս, թե կոնկրետ ինչ է այնտեղից առգրավել:

Աղբյուր` Փաստինֆո