Փաստ ինֆո

Դանիայի ոստիկանությունը գտել է օգոստոսին «Նաուտիլուս» ստորջրյա նավում նավարկության ժամանակ զոհված լրագրողուհի Կիմ Վալլի մարմնի ֆրագմենտները: Այս մասին հաղորդում է Associated Press-ը:

Ջրասուզակները ծովից դուրս են բերել աղջկա գլուխն ու ոտքերը: Դրանք փաթեթավորված են եղել պլաստիկ փաթեթներում, պատմել է գործակալությանը Կոպենհագենի ոստիկանության քննիչ Յենս Մելլեր Յոնսենը: Փաթեթներում նաև մետաղի ծանր կտորներ են եղել, քննության կարծիքով, մարմնի ֆրագմենտների ծովի հատակում խորտակելու համար:

Գտնվել են նաև դանակ և կնոջ հագուստի ֆրագմենտներ: Զոհի ձեռքերն առայսօր չեն գտել:

Գենետիկ փորձաքննությունը հաստատել է, որ գտնված մնացորդները պատկանում են Վալլին: Մարմնի հերձման ժամանակ նաև հայտնաբերվել էին դանակի վերքեր կրծքավանդակի և սեռական օրգանների շրջանում: Կնոջ մահվան պատճառը հայտնի չէ:
30-ամյա Վալլի սպանության գլխավոր կասկածյալը ստորջրյա նավի սեփականատեր Պետեր Մադսենն է: Նրա ցուցմունքները մշտապես փոփոխվում էին: Սկզբնապես նա ասում էր, որ երեք-ժամյա նավարկությունից հետո ափ է իջեցրել աղջկան, հետո, որ Վալլը զոհվել է դժբախտ պատահարի հետևանքով՝ գլխին ծանր մտոցի հարվածից և որ նա թաղել է աղջկան կղզիներից մեկում:

Շվեդացի լրագրողուհի Կիմ Վալլը կորել էր օգոստոսի 10-ին: Նա ցանկանում էր ռեպորտաժ պատրաստել ինքնուս կոնստրուկտոր Մադսենի գյուտի մասին և նրա հետ «Նաուտիլուս» նավով ծով էր դուրս եկել: Օգոստոսի 11-ին նավը աղետի ազդանշան էր հնչեցրել: Երբ փրկարարները գտել էին նավը, այնտեղ միայն Մադսենն էր եղել:

Աղբյուր` Փաստինֆո