Փաստ ինֆո

Նորագավիթում նախօրեին հնչած կրակոցների հետևանքով սպանված 48-ամյա Սամվել Ավագյանը նախկինում մի քանի անգամ դատապարտված է եղել, վերջին դատվածություն էլ եղել է 2008 թվականին:

Սամվել Ավագյանը 2008թ. դատապարտվել է ՀՀ քրեական օրենսգրքի 112-րդ հոդվածի 1-ին մասով՝ 4 տարի ժամկետով ազատազրկման:

Մեղադրանքի համաձայն՝ նա 2008թ.մայիսի 17-ին ոգելից խմիչք օգտագործած վիճակում վիճել Գևորգ Եղիազարյանի հետ, որի ընթացքում սուր ծակող-կտրող առարկայով մեկ անգամ հարվածել է վերջինիս` պատճառելով կյանքի համար վտանգավոր ծանր վնաս:

Ավագյանը մեղադրանքը ընդունել է՝ հայտնելով, որ գտնվել է ոգելից խմիչք է օգտագործած վիճակում և այդ օրը իր «ԳԱԶԵԼ» մակնիշի ավտոմեքենան տարել է ավտոլվացման կետ: Երբ այդ տեղով արագ անցել է տուժողը «Նիվա» ավտոմեքենայով և ձայնային ազդանշան է տվել, ինքը կարծելով, որ բան է պատահել և մեկ այլ անձի հետ ում անունը Տիգրան է եղել գնացել են նրա հետևից, իսկ երբ հանդիպել են հարցրել է, թե ինչու էր Գևորգը սիգնալ տալիս, վերջինս պատասխանել է, որ բարևում էր Տիգրանին, ինքը վրդովվել է ասելով, որ իսկ իրեն չէ՞ր բարևում և այդ պատճառով իրենք վիճել են, ինքն էլ գետնից վերցնելով ինչ որ փայլող առարկա, դրանով մեկ հարված է հասցրել տուժողին ու փախել նրա ավտոմեքենայով:

Դատարանը պատիժ նշանակելիս որպես մեղմացնող հանգամանքներ դիտել է այն, որ Ավագյանին խնամքին են եղել 5 անձ` որոնցից մեկը մինչև 14 տարեկան երեխա է եղել:

Հիշեցնենք, որ երեկ, երբ Նորագավիթում հնչել են կրակոցներ դրանց հետևանքով Ավագյանը վնասվածք է ստացել որովայնին շրջանում, ստացած վնասվածքով նա տեղափոխվել է «Էրեբունի» ԲԿ, սակայն բժիշկներին չի հաջողվել նրա կյանքը փրկել:

Ըստ շրջանառվող տեղեկությունների՝ Ավագյանի վրա կրակել են այն ժամանակ, երբ նա իրենց տան բակում նստած է եղել, ավտոմեքենան է մոտեցել և անհայտ անձինք կրակ են բացել նրա ուղղությամբ:

Ինչպես տեղեկացնում է Քննչական կոմիտեն դեպքի առթիվ նույն օրը ՀՀ ՔԿ ԵՔՔՎ Շենգավիթ վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասով և 235-րդ հոդվածի 1-ին մասով, ստեղծվել քննչական խումբ:

Աղբյուր` Փաստինֆո