Փաստ ինֆո

Կատմանդուում եռամյա աղջիկը ճանաչվել է որպես հինդուիստական ողջ աստվածուհի Թալեջու: Այժմ փոքրիկ Թրիշնա Շաքյան կբնակվի հնադարյան Դուրբարյան հրապարակում գտնվող պալատում, որը նա կկարողանա լքել տարվա մեջ միայն 13 օր: Երբ փոքրիկին տանում էին տնից, նրա երկվորյակ եղբայրը, ինչպես նաև նրա ամբողջ ընտանիքը չէին կարողանում դադարել լաց լինել, հաղորդում է The Sun-ը:

«Ես խառը զգացմունքներ ունեմ: Իմ դուստրը Կումարի է դարձել, և դա լավ է: Բայց միաժամանակ դա նաև տխրալի է, քանի որ նա մեզնից կբաժանվի»,- ասում է աղջկա հայրը:

Թրիշնա Շաքյան պատվավոր պաշտոնի համար պայքարում էր երեք այլ հավակնորդուհիների հետ միասին: Ընտրության գործընթացում ուշադրություն էր դարձվում ինչպես աղջկա արտաքինի, այնպես էլ նրա բնավորության վրա: Մասնավորապես, Կումարիի մարմնի վրա չպետք է լինի ոչ մի քերծվածք կամ կապտուկ: Բացի այդ, նա պետք է ապացուցի իր քաջությունը՝ չլացելով զոհաբերության ժամանակ:

Նախորդ Կումարին ընտրվել է 2008թ. նույնպես երեք տարեկանում: Աղջիկը վերադարձել է ընտանիքի մոտ միայն սեռական հասունության հասնելուց հետո, երբ այլևս չէր կարող լինել «անարատ կույս»-ի մարմնավորում: Նրա համար նշանակվել է ցմահ ռենտա:

Աղբյուր` Փաստինֆո